Կատալոնիայի ղեկավարը հանրաքվեի արդյունքները տպավորիչ է անվանել

• 02.10.2017, 15:03
•  Եվրոպա,  Աշխարհ

РИА Новости

Կատալոնիայի կառավարության ղեկավար Կառլես Պուչդեմոնը մեկնաբանել է Իսպանիայից Կատալոնիայի անկախության հանրաքվեի արդյունքները, փոխանցում է ՌԻԱ Նովոստին:

«Քաղաքացիների տպավորիչ արձագանք: Լեգիտիմություն և արժանապատվություն», - գրել է նա Twitter-ում ` ի նկատի ունենալով քվեարկության արդյունքները:

Ավելի վաղ Պուչդեմոնը հայտարարել էր, որ Կատալոնիայի բնակիչները հասել են ինքնիշխանության: «Այսօր հույսի օր էր, և Կատալոնիայի քաղաքացիները հաղթեցին՝ դառնալով անկախ պետություն», - ասել է նա հեռուստատեսային ուղերձում:

Կատալոնիայի ղեկավարը կոչ է արել Եվրամիությանը չանտեսել իսպանական ոստիկանության կողմից մարդու իրավունքների ոտնահարումը և Մադրիդի հետ երկխոսության գնալու պատրաստակամություն է հայտնել:

Իր հերթին Իսպանիայի վարչապետ Մարիանո Ռախոյն ասել է, որ Կատալոնիայում «ինքնորոշման հանրաքվե տեղի չի ունեցել»: Միևնույն ժամանակ, նա պատրաստակամություն է հայտնել Բարսելոնայի հետ երկխոսություն վարել օրենքի շրջանակներում:

Հիշեցնենք, որ կիրակի օրը Կատալոնիայում Իսպանիայից անկախություն ստանալու հանրաքվե է անցկացվել, որը Մադրիդն անօրինական է համարում: