ԵՐԵՎԱՆ 6 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Բարսելոնա-Մադրիդ. բանակցելու ժամանակն է

Կատալոնիայի իշխանությունները որոշել են հետաձգել անկախության հռչակումը՝ Մադրիդի հետ բանակցություններ սկսելու նպատակով: Մադրիդն, իր հերթին, կոչ է անում կատալոնացիներին կողմնորոշվել անկախության հռչակման հարցում և վերջ տալ անկայունությանը:

Գործընթացի մեկնարկից ի վեր բավական կանխատեսելի էր, որ Կատալոնիայի վերջնական նպատակը ոչ այնքան անկախանալն է, որքան ինքնավարության ավելի բարձր աստիճան ստանալը: Այս առումով կրքերն ավելի շատ թեժացրեց պաշտոնական Մադրիդի չափազանց կոշտ արձագանքն ու բռնության կիրառումը:

Այսօր Բարսելոնան չի առաջնորդվում առավելապաշտական նկրտումներով՝ նախընտրելով բանակցությունների սեղանի շուրջ նստել Մադրիդի հետ և քաղաքակիրթ երկխոսության միջոցով հաղթահարել առկա տարաձայնությունները: Կատալոնիայի նման որոշման վրա բավական մեծ ազդեցություն ունեցավ նաև ԵՄ «անտարբերությունը», իսկ ավելի ճիշտ՝ հայտարարություններն առ այն, որ դա Իսպանիայի ներքին հարցն է և պետք է լուծվի Մադրիդի և Բարսելոնայի միջև խաղաղ երկխոսությամբ: Բրյուսելը հստակ հասկացրեց, որ չի ողջունում Կատալոնիայի անկախացումը և չի խոստանում անդամակցություն Եվրամիությանը: Դա զգալիորեն թուլացրեց կատալոնացիների ոգևորությունն ու ստիպեց հնարավոր զարգացումների նկատմամբ առավել պրագմատիկ մոտեցում ցուցաբերել:

Կատալոնիայի նման որոշման վերաբերյալ դատողություններ անելու և ինքնորոշման իրավունքի իրացման այլ դեպքերի, այդ թվում՝ Արցախյան հիմնախնդրի հետ զուգահեռնեռ անցկացնելու դեպքում պետք է հաշվի առնել, որ Կատալոնիայի անկախացման ձգտումը թելադրված չէր անվտանգության նկատառումներով: Իսպանիայի կազմում Կատալոնիան ֆիզիկական գոյության որևէ սպառնալիքի չի եղել և չկա, ինչն էլ հնարավոր է դարձնում այսօր Իսպանիայի կազմում մնալու շուրջ բանակցությունները: Նմանատիպ իրավիճակի հետ գործ ունենք նաև Իրաքի Հանրապետություն-Իրաքյան Քրդստան հարաբերություններում:

Ստեղծված իրավիճակում հաջորդ քայլն, ամենայն հավանականությամբ լինելու է բանակցային գործընթացի մեկնարկը և Կատալոնայի անկախացման հռչակումից հրաժարման դիմաց ինքնավարության լիազորությունների շրջանակների առավել հստակեցման գործընթացը:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 53%
    Քամի՝ 0,51 կմ/ժ
    6 C°
     
    21°  10° 
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: