ԱՊԼ-ն աջակցել է Սաուդյան Արաբիային Իրանի դեմ պայքարում

• 20.11.2017, 10:26
•  Մերձավոր Արևելք,  Աշխարհ

albosala.com

Արաբական պետությունների լիգան նոյեմբերի 19-ին կայացած արտակարգ նիստում լիարժեք աջակցություն է հայտնել Սաուդյան Արաբիային Իրանի դեմ նրա գործողություններում, հայտնում է «Ալ Արաբիան»։

Կազմակերպության գլխավոր քարտուղար Ահմեդ Աբուլ Գեյթը հայտարարել է, որ Իրանը վտանգ է ներկայացնում ինչպես Սաուդյան Արաբիայի, այնպես էլ Պարսից ծոցի այլ երկրների համար։

«Սաուդյան Արաբիայի ուղղությամբ 76 բալիստիկ հրթիռ է արձակվել, բոլոր հրթիռները՝ իրանական արտադրության: Այդ կապացությամբ մենք մեր համերաշխությունն ենք հայտնում Սաուդյան Արաբիային այն ամենում, ինչ վերաբերվում է նրա ազգային անվտանգության պաշտպանությանը», - ընդգծել է Գեյթը։

Արտակարգ հանդիպումը նախաձեռնվել էր Էր-Ռիադի կողմից՝ «Իրանի կողմից մի շարք խախտումներից հետո», ասվում է հաղորդագրությունում։