ԵՐԵՎԱՆ 0 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 19 286,49 դրամ ԱՐԾԱԹ - 243,75 դրամ ՊԼԱՏԻՆ - 13 611,43 դրամ

Օվկիանոսի մակարդակի բարձրացման դեպքում ջրի տակ կանցնեն ԱՄՆ-ի մոտ 13 հազար պատմական ժառանգության օբյեկտներ

WorldAllDetails

Գլոբալ տաքացման հետևանքով առաջացող համաշխարհային օվկիանոսի մակարդակի բարձրացման պատճառով հարյուրամյակի ավարտին հնարավոր է, որ Միացյալ նահանգները միայն Արևելյան առափնյակում զրկվի պատմական ժառանգության 13 հազարից ավելի օբյեկտներից: Ինչպես փոխանցում է ՏԱՍՍ-ը՝ հղում կատարելով The Hill պարբերականին, այսպիսի կանխատեսմամբ են հանդես եկել ամերիկացի մի խումբ գիտնականներ, որոնց ղեկավարում է Թենեսիի համալսարանի հնէաբան Դևիդ Անդերսոնը:

Հետազոտությունն իրականացնելիս գիտնականները հիմնվել են ՄԱԿ-ի կլիմայի փոփոխության հարցերով փորձագետների Միջկառավարական խմբի գնահատականների վրա, որոնց համաձայն՝ 2100 թվականին օվկիանոսի մակարդակի բարձրացումը կկազմի մոտ 1 մետր, իսկ հաջորդ մի քանի հարյուրամյակներին՝ 5 մետր:

«Օվկիանոսի մակարդակի միայն 1 մետրով բարձրանալու դեպքում ջրի տակ կանցնեն ԱՄՆ Արևելյան առափնյա մոտ 13 հազար հնագիտական պեղումների վայրեր, հնագիտական և պատմական տեսարժան վայրեր»,- նշված է խմբի զեկույցում:

 «Մենք կկորցնենք Ամերիկայի ափամերձ տարածքների մարդկային զարգացման ապացույցներից շատերը, որոնք տեղի են ունեցել մի քանի հազարամյակների ընթացքում», - հավելել է Դևիդ Անդերսոնը:

Գիտնականները նշել են, որ եթե օվկիանոսի մակարդակը բարձրանա 3 և ավելի մետրով, ապա, հնարավոր է, ջրի տակ անցնեն ամերիկյան հողում եվրոպացիների առաջին բնակավայրերը՝ Ջեյմսթաունը և Սենթ Օգասթինը, իսկ Ֆլորիդայում՝ Կանավերալ հրվանդանի վրա գտնվող ամբողջ տիեզերակայանը:


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 70%
Քամի՝ 6.44 կմ/ժ
0 C°
 
   
20.12.2017
  10° 
21.12.2017
Հարցում

Արդյո՞ք ԱՄՆ կողմից Երուսաղեմի ճանաչումը Մերձավոր Արևելքում լարվածության նոր օջախ կստեղծի: