2017 թվականը հաջող էր հայկական շախմատի համար
Այսօր լրագրողների հետ զրույցում Հայաստանի շախմատի ֆեդերացիայի գլխավոր քարտուղար Միքայել Անդրիասյանն ամփոփեց ընթացիկ տարվա արդյունքները.
«2017 թվականը հաջող տարի էր հայկական շախմատի համար: Հայաստանում ինը միջազգային մրցաշար անցկացվեց, այդ թվում պատանեկան, ինչն աննախադեպ ցուցանիշ է: Դրանց շարքում կարելի է նշել «Երևան օփենը», «Ծաղկաձոր օփենը», Կարեն Ասրյանի հուշամրցաշարը, Եվրոպայի պատանեկան Գրան Պրիի փուլը: Անդրանիկ Մարգարյանի հուշամրցաշարին (2 մրցաշար) ընդհանուր առմամբ մասնակցեց 760 շախմատիստ: Իսկ «Սևանա լիճը» ՖԻԴԵ-ի 16-րդ կարգի մրցաշար էր:
Այս տարի մեր շախմատիստները պատվով դրսևորեցին իրենց միջազգային ասպարեզում: Նախ և առաջ, հարկ է նշել Հայաստանի հավաքականի առաջատար Լևոն Արոնյանի փալյուն ելույթը: Նա շատերի կարծիքով տարվա լավագույն շախմատիստն է: Լևոնի ձեռքբերումների ցանկն ավելացավ «GRENKE Chess Classic»-ում (Գերմանիա), «Norway Chess»-ում (Նովեգիա), ինչպես նաև Թբիլիսիում կայացած Աշխարհի գավաթի խաղարկությունում ունեցած հաղթանակներով: Նորվեգիայում կայացած մրցաշարը, որին մասնակցում էին միջին վարկանիշային 2797 միավոր ունեցող տասը ուժեղագույն գրոսմայստերներ, կարելի է առանց չափազանցության շախմատի պատմության ուժեղագույն մրցաշարը համարել: Իսկ Վրաստանի մայրաքաղաքում հաղթանակը Լևոն Արոնյանին հնարավորություն տվեց մասնակցելու հաջորդ տարի Բեռլինում կայանալիք հավակնորդների մրցաշարին: Լևոն Արոնյանը միակ շախմատիստն է, որն Աշխարհի գավաթի կրկնակի հաղթող է: Արոնյանի ձեռքբերումներից պետք է նշել նաև Սենթ Լուիսում (ԱՄՆ) անցկացված արագ և կայծակնային շախմատի մրցաշարում գրանցած հաղթանակը, ինչպես նաև այն, որ ՖԻԴԵ-ի Գրան Պրիի վերջին՝ չորրորդ փուլում կիսեց 1-2-րդ տեղերը (երկրորդ տեղ լրացուցիչ ցուցանիշներով):
Ուրախացրին նաև պատանիները: Սոնա Ասատրյանը դարձավ Եվրոպայի մինչև18 տարեկանների չեմպիոն, իսկ Մանուել Պետրոսյանը, կիսելով 1-3-րդ տեղերը, նվաճեց մինչև 20 տարեկանների աշխարհի փոխչեմպիոնի կոչումը: 17-ամյա Հայկ Մարտիրոսյանը ընդգրկված էր աշխարհի պատանեկան խորհրդանշական հավաքականում, որը հանդիպում անցկացրեց ԱՄՆ-ի պատանիների հավաքականի հետ: Հայաստանցի շախմատիստը, հանդես գալով առաջին խաղատախտակի առջև,առավելության հասավ ԱՄՆ-ն ներկայացնող առաջատար պատանի շախմատիստներ՝ Ջեֆրի Սյունի և Սամվել Սևյանի նկատմամբ և մեծ ներդնում ունեցավ թիմի հաղթանակի գործում: Արամ Հակոբյանը և Շանթ Սարգսյանը հաջող հանդես եկան այս տարի Ջերմուկում կայացած պատանեկան Գրան Պրիի փուլում, զբաղեցնելով երկրորդ և երրորդ տեղերը: Արամ Հակոբյանը բրոնզե մեդալակիր դարձավ նաև «Աշխարհի պատանի աստղեր» մրցաշարում: Հայաստանի պատանեկան առաջնություններում,ընդհանուր առմամբ, հանդես եկավ 451 շախմատիստ:
Մեծահասակ շախմատիստների հաջողություններից կարելի է նշել վերջերս Լոնդոնում ավարտված Chess Classic FIDE OPEN մրցաշարը, որտեղ Գաբրիել Սարգսյանը, լրացուցիչ ցուցանիշներով գերազանցեց իր հայրենակից Հրանտ Մելքումյանին: Չէին զիջում նաև մեր վետերանները: Կարեն Մովսիսյանը նվաճեց Եվրոպայի առաջնության չեմպիոնի կոչումը, իսկ Հայաստանի հավաքականն աշխարհի թիմային առաջնությունում արծաթ նվաճեց:
Շախմատային տարին դեռ շարունակվում է: Այս օրերին Հնդկաստանում ընթանում է շախմատի պատանեկան (մինչև 16 տարեկան) Օլմպիադան, որտեղ Հայաստանը ներկայացնող շախմատիստները պայքարում են մրցանակային տեղերի համար: Դեկտեմբերի 14-ից 17-ը գրոսմայստեր Զավեն Անդրիասյանը Կատովիցեում (Լեհաստան) հանդես կգա արագ և կայծակնային շախմատի Եվրոպայի առաջնությունում: Հենց Զավենն է հանդիսանում կայծակնային շախմատի մրցաշարի առաջին համարը: Մրցաշրջան-2017-ը շախմատիստների համար կավարտվի Սաուդյան Արաբիայում, որտեղ դեկտեմբերի 25-ից 30-ը, Հայաստանի բոլոր առաջատար շախմատիստների մասնակցությամբ կանցկացվի կայծակնային շախմատի տղամարդկանց և կանանց աշխարհի առաջնությունը՝ $ 2 մլն ռեկորդային մրցանակային ֆոնդով:
Մոռացված չէ նաև մասսայական շախմատը: Հերթական անգամ անցկացվեց շախմատի դպրոցականների Օլիմպիադա, որի առաջին և երկրորդ փուլերին մասնակցեց երկրի հանրակրթական դպրոցների մոտ 2000 աշակերտ: Երրորդ փուլը կկայանա 2018 թվականի մարտին, իսկ եզրափակիչը՝ մայիսին: Լավագույն թիմը կմասնակցի Սոչիում անցկացվելիք «Սպիտակ նավակ» դպրոցականների մրցաշարին: Այս տարի Հայաստանը ներկայացնող Չեխովի անվան Երևանի թիվ 55 դպրոցը նվաճեց արծաթե մեդալ:
ևս մեկ փաստ այն մասին, որ հանրապետությունում շախմատային լավ սերունդ է մեծանում. այս տարի միանգամից չորս շախմատիստ (Վահե Բաղդասարյան, Մանուել Պետրոսյան, Հայկ Մարտիրոսյան ևԱրման Միքայելյան) դարձավ գրոսմայստեր, ևս վեցը՝ միջազգային վարպետ: Սա Հայաստանի շախմատի պատմության ամենաբարձր ցուցանիշն է:
Կազմակերպվեցին նաև ՖԻԴԵ-ի մարզչական և միջազգային սեմինարներ: ՖԻԴԵ-ի առաջատար մարզիչներից Աշոտ Վարդապետյանն անձամբ մրցավարական սեմինարներ անցկացրեց: Հայաստանի ներկայացուցիչները նշանակված էին աշխարհի և Եվրոպայի առաջնություններում աշխատելու համար: Աշոտ Նադանյանն արժանացել է ՖԻԴԵ-ի մարզչի կոչմանը:
2018 թվականը ևս խոստանում է հագեցած լինել: Հայաստանում կրկին միջազգային մրցաշարեր կանցկացվեն:
Առջևում շախմատի Համաշխարհային օլիմպիադան է և կանանց ու տղամարդկանց Եվրոպայի թիմային առաջնությունները: Սակայն, գլխավոր միջոցառումը Բեռլինում կայանալիք հավակնորդների մրցաշարն է (մարտի 10-28): Հայաստանի շախմատի ֆեդերացիան հնարավոր ամեն բան կանի, որպեսզի հայկական շախմատի առաջատար Լևոն Արոնյանը հաջող հանդես գա Գերմանիայի մայրաքաղաքում և աշխարհի չեմպիոն Մագնուս Կարլսենի հետ շախմատային թագի համար մենամարտի երկար սպասված իրավունք նվաճի», հայտնում է ՀԱՕԿ լրատվական բաժինը:
այլ նյութեր այս թեմայով
- Հայաստանի ազգային հավաքականը զիջեց Խորվաթիայի ընտրանուն Մեր ընտրանին պարտվեցմրցակցին 0։1 հաշվով։
- Հայաստանի ազգային հավաքականը ոչ-ոքի խաղաց Թուրքիայի ընտրանու հետ Խաղն ավարտվեց ոչ-ոքի՝ 1:1 հաշվով:
- Հայաստանի ազգային հավաքականը ժամանեց Թուրքիա Հավաքականը կհանգրվանի Radisson Individuals հյուրանոցում:
- Սարգիս Ստեփանյանը՝ աշխարհի չեմպիոն Պարաբազկամարտի Աշխարհի առաջնության 80 կգ. քաշային կարգում ձախ ձեռքով Աշխարհի չեմպիոնի տիտղոսը նվաճեց Սարգիս Ստեփանյանը:...
- Ալեքսանդր Պետրակովը հրապարակել է ազգային հավաքական հրավիրված ֆուտբոլիստների ցուցակը ՈՒԵՖԱ Եվրոպայի 2024 թվականի առաջնության որակավորման փուլի առաջիկա հանդիպումներին ընդառաջ՝ Հայաստանի ազգային հավաքականի...
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 32%
Քամի՝ 0,51 կմ/ժ