ԵՐԵՎԱՆ 20 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 19,754.04 դրամ ԱՐԾԱԹ - 252.47 դրամ ՊԼԱՏԻՆ - 13,441.18 դրամ

Ադրբեջանցիներն ավելի ճիշտ կանեին իրենց երկրի իրավիճակի մասին հարցնեին ոչ թե Արսեն Բաղդասարյանին, այլ Իլղար Մամեդովին. Բաբայան

Ադրբեջանի իշխանությունները գնացին միջազգային մարդասիրական իրավունքի հերթական կոպիտ խախտման՝ գերուն ստիպելով գովերգել իրենց երկիրը։

Այդ մասին NEWS.am-ին է հայտնել Արցախի նախագահի մամուլի քարտուղար Դավիթ Բաբայանը՝ մեկնաբանելով ադրբեջանական լրատվամիջոցներում օրերս հայտնված տեսանյութը Արցախի գերևարված բնակիչ Արսեն Բաղդասարյանի մասնակցությամբ։

Նրա խոսքով, ակնհայտ է, որ նման «դիֆերամբները» ստացվել են կտտանքների և բռնության միջոցով։ «Հեռուստացույցով ցուցադրում են Ժնևի կոնվենցիայի կոպտագույն խախտումը։ Փոխանակ Արսեն Բաղդասարյանին քարոզչական նպատակներով օգտագործեին, Ադրբեջանի իշխանություններն ավելի ճիշտ կանեին իրենց երկրի իրավիճակի մասին հարցնեին Իլղար Մամեդովին»,- նկատել է Դավիթ Բաբայանը և հավելել. «Օլիգարխները հարստանում են հասարակ մարդկանց հաշվին, Սաֆարովի պես մարդասպաններն ազգային հերոսներ են հռչակվում, իսկ մտավորականությունը լռում է՝ վախենալով բառ անգամ ասել»։

Նշենք, որ Իլղար Մամեդովը ձերբակալվել է Ադրբեջանի Իսմայիլի քաղաքում 2013թ. հունվարին անկարգություններ հրահրելու մեղադրանքով, իսկ 2014թ. դատապարտվել է 7 տարվա ազատազրկման։ ՄԻԵԴ-ն արձանագրել է, որ Մամեդովին կալանավորել են առանց ապացույցների, իսկ դատապարտման նպատակն է եղել պատժել կառավարությանը քննադատելու համար։


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 63%
Քամի՝ 22.53 կմ/ժ
20 C°
 
20°  32° 
26.06.2018
20°  34° 
27.06.2018
Հարցում

Սպասվու՞մ է արդյոք լարվածություն ղարաբաղյան սահմանին: