ԵՐԵՎԱՆ 2 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Հայերիս համար ազգային առանձնահատկություն է երեխաներին անձնուրաց սիրելը. Տարոն Մարգարյանի շնորհավորական ուղերձը

Առողջ Բլոգ

Երևանի քաղաքապետ Տարոն Մարգարյանի շնորհավորական ուղերձը Երեխաների պաշտպանության միջազգային օրվա առթիվ`

Սիրելի՛ երեխաներ,

այսօր ձեր տոնն է՝ Երեխաների պաշտպանության միջազգային օրը, ինչի առթիվ սրտանց շնորհավորում եմ բոլորիդ:
Հայերիս համար, թերևս, ազգային առանձնահատկություն է երեխաներին անձնուրաց սիրելն ու նրանց մասին հոգ տանելը: Եվ այս տեսանկյունից բնավ պատահական չէ, որ մեծերիս համար չկա՛ իմ ու քո երեխա տարանջատումը: Դուք բոլորդ, իմ փոքրիկ բարեկամներ, մե՛րն եք, մե՛ր երեխաները և մեզ համար առանձնակի կարևոր է այն ամենը, ինչը կապված է ձե՛զ հետ: Ու համոզվա՛ծ եղեք, որ մենք՝ ձեր ծնողները, ուսուցիչներն ու հարազատները, անում ենք ամեն ինչ, որ դուք ունենաք անհոգ ու երջանիկ մանկություն, լինեք միշտ պաշտպանված և ստանաք լիարժեք կրթություն, որ արդարացնեք ձեզ հետ կապված մեր հույսերն ու իրականացնեք ձեր բոլոր երազանքները: 
Իմ փոքրի՛կ բարեկամներ,
վստահ եղեք, որ մենք շարունակելու ենք անել ամեն ինչ, որ մեր քաղաքը լինի ավելի հարմարավետ ու գեղեցիկ, ձեր առօրյան էլ անցնի առավել հետաքրքիր և ուրախ: Ու ես համոզված եմ, որ մեծերիս ջանքերը կօգնեն ձեզ է՛լ ավելի շատ սիրել և գնահատել մեր 2800-ամյա մայրաքաղաքը, որի վաղվա իրական տանտերը լինելու է ձեզանից յուրաքանչյուրը՝ շարունակելով հոգ տանել Երևանի մասին ու շենացնել մեր սիրելի քաղաքը:
Մեկ անգամ ևս շնորհավորելով բոլորիդ՝ մաղթում եմ ձեզ քաջառողջություն, անհոգ մանկություն և անսպառ ժպիտ:

 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 65%
    Քամի՝ 1,54 կմ/ժ
    2 C°
     
    20°   
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: