NASA-ի տիեզերանավը սելֆի է արել Մարսի վրա

• 27.11.2018, 16:19
•  No-politics

NASA

Օդագնացության և տիեզերական տարածքի հետազոտման ԱՄՆ ազգային վարչության (NASA-ի) տիեզերանավը՝ InSight-ը, վայրէջք է կատարել Մարսի վրա: InSight-ը վայրէջքից հետո «սելֆի» է արել և նկարն ուղարկել է Երկիր, հայտնում է «Ազատությունը»:

Տիեզերանավը պետք է հետազոտի «կարմիր մոլորակի» մակերեսը: NASA-ի կենտրոնի հեռարձակած հեռուստառեպորտաժին հետևել են ամբողջ աշխարհում:

InSight-ը Երկիր մոլորակից մինչև Մարս 550 միլիոն կիլոմետրանոց ճանապարհն անցել է կես տարում և «կարմիր մոլորակի» վրա կաշխատի «մարսյան» մեկ տարի, որը հավասար է «երկրային» 24 ամիսների: Ամբողջ ծրագրի արժեքը մոտ մեկ միլիարդ դոլար է:

InSight-ի հետազոտությունները պետք է նպաստեն Մարսի առեղծվածների բացահայտմանը: