Մի փոքր հուշում Վահան Քերոբյանին

Ուրեմն տեսեք, ՀՀ տնտեսական ատիվության ցուցանիշը, Վիճակագրական կոմիտեի տվյալներով, այս տարվա փետրվարին գրանցել է 5,3 տոկոս անկում:

Նշենք, որ այս տարվա հունվարին, այսինքն ներկայացված ժամանակահատվածից մեկ ամիս առաջ, նախորդ տարվա հունվարի համեմատ տնտեսական ակտիվության անկման ցուցանիշը կազմել է 8,2 տոկոս: Եվս մեկ ամիս հետ գնալով՝ 2020թ.-ի դեկտեմբերին 2019թ.-ի դեկտեմբերի համեմատ ակնումը կազմել է 8,8 տոկոս:

Այսինքն, 2020թ.-ի դեկտեմբերի, 2021թ. հունվար, փետրվար ամիսներին հաջորդաբար, նախորդ տարիների նույն ժամանակահատվածի համեմատ ՀՀ տնտեսության ակտիվության ցուցանիշի ԱՆԿՄԱՆ ՏԵՄՊԸ ԹՈՒԼԱՑԵԼ Է:

Լավ կլիներ Էկոնոմիկայի նախարարը խնդրին գոնե մոտենար այս տեսանկյունից՝ փորձելով այսպիսով դրական դինամիկա արձանագրել, այս դեպքում մի քիչ ավելի խելամիտ կլիներ անգամ փետրվարի ավել մեկ օրվա գործոնը դիտարկելը (փետրվարի այդ մեկ օրն էլ առանձին հաշվարկի հարց է տնտեսական արդյունքի տեսանկյունից):

Բայց անգամ այդ դեպքում որևէ կերպ լուրջ չէ այս վիճակագրությունից ելնելով խոսել տնտեսության «համարյա վերականգնման» մասին, մի շարք պատճառներով.

1. Անկման տեմպը նվազել է, բայց ԱՆԿՈՒՄԸ ԿԱՆԳ ԱՌԱԾ ՉԻ: Քանի դեռ կա անկումը, տնտեսության վերականգմնան մասին խոսելն անլրջություն է:

2. Նեկայացված ցուցանիշները օպերատիվ ընթացիկ տվյալների ամբողջություն է, որը վեր չի հանում տնտեսությունում առկա խնդիրները, որոնց շարունակականությունը հակադարձ կապի մեջ է տնտեսության վերականգնման հետ:

3. Վիճակագրական կոմիտեի օպերատիվ տվյալներում այս պահին ներառված չէ գյուղատնտեսական համախառն արադրանքի ծավալը:

4. Վիճակագրական կոմիտեի օպերատիվ տվյալների բացվածքն ընդհանրապես տնտեսության վերականգնման մասին չի հուշում:

5. Բնակչության եկամուտների նվազման ֆոնին թանկացումների այսօրվա շեմը ԸՆԴՀԱՆՐԱՊԵՍ վերականգնման մասին չէ խոսում:

Այսքանով հանդերձ, դրական է անկման կրճատման միտումը: Այս տեմպերի շարունակականության արդյունքում առաջիկայում կարձանագրենք նաև որոշակի աճեր: Դա բնական գործընթաց է, քանի որ տնտեսությունը մեծ շոկերից հետո օբյեկտիվորեն ձգտում է որոշակի բազային վիճակի, որին, որպես կանոն, հաջորդում է աճը:

Ինչ վերաբերում է Էկոնոմիկայի նախարարի կողմից վերահաստատված երկնիշ տնտեսական աճի սպասմանը, ապա այնպիսի կիսավերլուծություններով, ինչպիսին տեսանք, գուցեև ստացվի երկնիշ ինչ-որ բան ցույց տալ…»