Դուբայում աշխարհի ամենաբարձր շենքը կորել է փոշու մոխրագույն շերտի մեջ

• 19.05.2022, 11:35
•  Աշխարհ,  No-politics

Arab News

Չորեքշաբթի աշխարհի ամենաբարձր շենքը կորել է փոշու մոխրագույն շերտի մեջ, երբ Արաբական Միացյալ Էմիրություններին պատել են Մերձավոր Արևելքում տարածված ավազի փոթորիկները՝ առաջացնելով եղանակի և երթևեկության վատթարացման նախազգուշացումներ:

828 մետրանոց Բուրջ Խալիֆան, որը վեր է խոյանում Դուբայում, սովորաբար տեսանելի է բանուկ ֆինանսական կենտրոնի բոլոր հատվածներից, կորել է օդային կեղտի վարագույրի հետևում, որը պատել է երկրի մեծ մասը:

Փորձագետներն ասում են, որ երևույթը կարող է վատթարանալ, քանի որ կլիմայի փոփոխությունը խաթարում է տարածաշրջանային եղանակային օրինաչափությունները և առաջացնում անապատացում:
Էմիրաթի իշխանությունները համազգային նախազգուշացում են տարածել՝ կոչ անելով բնակիչներին զգոն լինել:
Աբու Դաբիի ոստիկանությունը հորդորում է վարորդներին «զգույշ լինել ուժեղ քամու և փոշու ժամանակ ցածր տեսանելիության պատճառով»:

«Խնդրում ենք մի շեղվեք՝ տեսանյութեր նկարելով կամ օգտագործելով ձեր հեռախոսը», - ավելացրել է նա։