ԵՐԵՎԱՆ 26 C°
ՀՀ ԿԲ -
  • USD - 405 դրամ -0,91 EUR - 417 դրամ -0,56 RUB - 6 դրամ -0,66 GBP - 492 դրամ -0,25
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Շախմատի համաշխարհային օլիմպիադա. հայկական թիմերը կրկին հաղթում են

Հայաստանի տղամարդկանց հավաքականը երկրորդ հաղթանակն է տարել Հնդկաստանում ընթացող շախմատի համաշխարհային օլիմպիադայում, հաղորդում է Սպուտնիկ Արմենիան

Երկրորդ տուրում Գաբրիել Սարգսյանի գլխավորած հայ գրոսմայստերները 3:1 հաշվով առավելության են հասել Անդորրայի թիմի նկատմամբ: Արման Փաշիկյանի թիմին հաղթական միավորներ բերեցին երրորդ և չորրորդ խաղատախտակները՝ Հայաստանի չեմպիոն Մանուէլ Պետրոսյանն ու Ռոբերտ Հովհաննիսյանը: Գաբրիել Սարգսյանը և Սամվել Տեր-Սահակյանն իրենց խաղակեսերն ավարտել են համապատասխանաբար առաջին և երկրորդ խաղատախտակներին:
Երկրորդ տուրում խոշոր հաղթանակ են տարել նաև հայ աղջիկները: Էլինա Դանիելյանը, Լիլիթ Մկրտչյանը, Մարիամ Մկրտչյանը և Սուսաննա Գաբոյանը 4: 0 հաշվով հաղթել են Նորվեգիայի թիմին:
Օլիմպիադայի երկրորդ տուրի մյուս հանդիպումները դեռ շարունակվում են։ Հայաստանի 2 թիմն էլ երկու տուրից հետո վաստակել է 4 միավոր։
Շախմատի համաշխարհային օլիմպիադայում Հայաստանի տղամարդկանց հավաքականը ներկայացնում են գրոսմայստերներ Գաբրիել Սարգսյանը, Հրանտ Մելքումյանը, Ռոբերտ Հովհաննիսյանը, Սամվել Տեր-Սահակյանը, Մանուէլ Պետրոսյանը:
Կանանց հավաքականում ընդգրկված են Էլինա Դանիելյանը, Լիլիթ Մկրտչյանը, Աննա Սարգսյանը, Մարիամ Մկրտչյանը և Սուսաննա Գաբոյանը:
44-րդ շախմատային օլիմպիադան անցկացվում է հնդկական Չեննայում` հուլիսի 29-ից օգոստոսի 10-ը։

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 28%
Քամի՝ 8,23 կմ/ժ
26 C°
 
39°  23° 
15.08.2022
40°  24° 
16.08.2022
Հարցում

Կկարողանա՞ն արդյոք Ռուսաստանն ու Ուկրաինան մոտ ապագայում ճանապարհ հարթել դեպի խաղաղություն: