ԵՐԵՎԱՆ 25 C°
ՀՀ ԿԲ -
  • USD - 413.06 դրամ +0,06 EUR - 398.31 դրամ +0,31 RUB - 7.14 դրամ +0,14 GBP - 443.13 դրամ +0,13
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Օդային տագնապի ժամանակ առանց խուճապի պետք է առաջնորդվել ուղեցույցներով. Էդան Սնգրյան

«Օդային տագնապի ժամանակ չպետք է խուճապի մատնվել, այլ պետք է գնահատել իրավիճակը և հասկանալ, որ եթե գտնվում ես տանը՝ պետք է առաջնորդվել համապատասխան ուղեցույցներով»,-«Մեդիա կենտրոնում» հայտնեց ԱԻՆ Փրկարար ծառայության Քաղաքացիական պաշտպանության վարչության պետ Էդան Սնգրյանը, փոխանցում է Panorama.am:

Նա բացատրեց, որ օդային տագնապի դեպքում քաղաքացին պետք է հագնվի, հագցնի երեխաներին ու ծերերին և վերցնի իրենց հետ նախօրոք նախապատրաստած առաջին անհրաժեշտության իրերի պայուսակը:

Էդան Սնգրյանը տեղեկացրեց, որ այդ պայուսակի մեջ լինելու են փաստաթղթերը, արժեքավոր իրերը և որոշակի քանակությամբ սնունդ և ջուրը:

«Դրանից հետո պետք է անջատել էլեկտարամատակարարումը և ջրամատակարարումը և ամենակարճ ճանապարհով հասնեն պաշտպանական կառույց»,-հայտնեց ԱԻՆ պաշտոնյան:

Նա բացատրեց, որ եթե մարդը գտնվում է հասարակական կառույցներում, ապա պետք է հետևեն տվյալ մարմինների ուղեցույցներին, իսկ եթե ուղեցույց չկա՝ պետք է տվյալ պահին ընտրել այդ տարածքում ամենապաշտպանաված տարածքը և պատսպարվեն այնտեղ:

Էդան Սնգրյանի խոսքով՝ օդային տագնապի ժամանակ չպետք է օգտվել վերելակնեից, այլ աստիճանավանդակներով է պետք իջնել ստորգետնյա փակ տարածքներ:

«Եթե գտնվում եք հասարակական տրանսպորտում, մի խոչընդոտեք վարորդի աշխատանքը: Երթևեկության կանոններին հետևելով՝ վարորդը համապատասխն տեղում կանգ է առնելու և պետք է դուրս գալ տրանսպորտից և գտնել մոտական պաշտպանական կառույցը և առանց վարանելու գնալ այնտեղ»,-հայտնեց Փրկարար ծառայության Քաղաքացիական պաշտպանության վարչության պետը և, շարունակելով հայտնեց, որ եթե քաղաքացին բաց տարածքում է և չկան պաշտպանական կառույցներ, ապա կրկին պետք չէ խուճապի մատնվել, այլ անհրաժեշտ է օգտվել մոտական ճանապարհային կառույցներից՝ կամուրջներից, ջրահեռացման համակարգերից և պատսպարվել այնտեղ:

Ըստ նրա, եթե նույնիսկ դրանք չկան, ապա պետք օգտագործել տարածքի ռելևֆը՝ փոսերում և  իջվածքներում և եթե ոչ մի նման բան չկա, ապա պետք պառկել գետնին՝ փակելով ականջները և բացելով բերանը:

«Պայթյունների ժամանակ բարձր գոռացեք, այն նպաստելու է ձեր օրգանիզմց այդ ավելցուկային ճնշման հետևանքով առաջացած ազոտի մի մասի՝ թոքերով դուրս հանելուն»,-տեղեկացրեց Սնգրյանը:

Երևանի քաղաքապետարանի զորահավաքային հարցերի և քաղաքացիական պաշտպանության վարչության արտակարգ իրավիճակների և քաղաքացիական պաշտպանության բաժնի պետ Հարություն Հարությունյանը բացատրեց ապաստարանի և թաքստոցի տարբերությունը՝ ասելով որ ապաստարանում կարելի է երկարաժամկետ պատսպարվել և դրանք կառուցված են այն հիմնարկ ձեռնարկություններում, որտեղ ռազմական դրության ժամանակ աշխատելու են շուրջօրյա ռեժիմով:

Նրա խոսքով՝ բնակչությունը պատսպարվում է հիմնականում թաքստոցներում՝ նկուղներում, մետրոյում, հանքախորշերում, մեքենաներ ստորգետնյա կանգառներում, իսկ քաղաքացիների համար տեղեկատվական թերթիկներ են պատրաստվում, որում նշվում է տվյալ հասցեին մոտ գտնվող թաքստոցը և դրանք փակցվում են շենքերի մուտքերում:

«Երևան քաղաքն ունի հնարավորություններ իր բնակչությանը պատսպարելու համար, այլ հարց է, որ այդ նկուղներն այսօրվա դրությամբ պատրաստ չէ բնակչությանն ընդունելու՝ կեղտոտվածության կտրտվածության և փակ լինելու պատճառով»,-ասաց Հարություն Հարությունյանը և հավաստիացրեց, որ քաղաքային իշխանություններն այդ խնդիրներն իրենց ուշադրության ներքո են պահում:

Էդան Սնգրյանն էլ հավելեց. «Խուճապի մատնվել պետք չէ, վստահեք առաջինը ձեր ուժերին և այն մարդկանց, որոնք այդ պահին կփորձեն ձեզ օգնել»:


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 20%
Քամի՝ 0,51 կմ/ժ
24 C°
 
30°  17° 
28.09.2022
31°  18° 
29.09.2022
Հարցում

Կկարողանա՞ն արդյոք Ռուսաստանն ու Ուկրաինան մոտ ապագայում ճանապարհ հարթել դեպի խաղաղություն: