ԵՐԵՎԱՆ 4 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Վրաստանը պատրաստ է ամեն կերպ նպաստել Հայաստանի և Ադրբեջանի միջև երկխոսությանը․ Իրակլի Ղարիբաշվիլի

Վրաստանի վարչապետ Իրակլի Ղարիբաշվիլին հանդիպել է Ադրբեջանի Հանրապետության պաշտպանության նախարար Զաքիր Հասանովի հետ։ Ինչպես հայտնում է Վրաստանի կառավարության մամուլի ծառայությունը, կողմերը քննարկել են երկու երկրների ռազմավարական գործընկերությունը եւ հետագա համագործակցության օրակարգը, հայտնում է Առաջին ալիքը:

«Ուշադրություն է դարձվել այս տարվա հոկտեմբերին Վրաստան Ադրբեջանի նախագահ Իլհամ Ալիեւի կատարած այցին։ Կառավարության ղեկավարի խոսքով՝ այս այցը եւս մեկ անգամ ընդգծել է երկրների միջեւ բարիդրացիական եւ բարեկամական հարաբերությունները եւ մեծ ներուժը, այդ թվում՝ առեւտրատնտեսական ուղղությունների տեսակետից։

Զրույցն առնչվել է խաղաղության ու կայունության ապահովման կարեւորությանը ժողովրդի բարեկեցության եւ տարածաշրջանի զարգացման համար։ Վարչապետը եւս մեկ անգամ նշել է, որ Վրաստանն այսուհետ եւս պատրաստ է ամեն կերպ նպաստել երկու հարեւան երկրների միջեւ երկխոսությանը։

Ուշադրություն է դարձվել Իրակլի Ղարիբաշվիլիի նախաձեռնած «Հարավային Կովկասում բարիդրացիության խաղաղ նախաձեռնությանը», որին Հարավային Կովկասի պետությունների հետ միասին մասնակցում են նաեւ միջազգային գործընկերները։

Կառավարության ղեկավարը շնորհակալություն է հայտնել ադրբեջանական կողմին՝ երկրի տարածքային ամբողջականությանն ու ինքնիշխանությանը ամուր աջակցության համար։

Կողմերը դիտարկել են տարածաշրջանային նշանակության ոլորտային գերատեսչությունների եւ ենթակառուցվածքային նախագծերի փոխգործակցությունը, փոխանցում է News.am-ը։ 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 52%
    Քամի՝ 3,6 կմ/ժ
    5 C°
     
    20°   
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: