Կրակոցներ իրանա-ադրբեջանական սահմանին. վիրավոր կա

Իրանի և Ադրբեջանի սահմանին կրակոցների հետևանքով մեկ մարդ է վիրավորվել: Այս մասին հայտնում են ադրբեջանական լրատվամիջոցները՝ վկայակոչելով Պետական սահմանապահ ծառայությանը, փոխանցում է Sputnik-ը։

Հաղորդագրության համաձայն` Ֆիզուլիի շրջանի Բիրինջի Մահմուդլու գյուղի մոտակայքում երկու սահմանախախտ է նկատվել։ Նշվում է, որ չնայած սահմանապահների նախազգուշացմանը, նրանք փորձել են փախչել դեպքի վայրից։ Սահմանապահ ջոկատը զենք է կիրառել, ինչի հետևանքով ենթադրյալ խախտողներից մեկը վիրավորվել է ոտքից։

Հետագայում նրանցից մեկի մոտ սառը զենք է հայտնաբերվել։ Բուժօգնություն ստանալուց հետո վիրավորը տեղափոխվել է Ֆիզուլիի շրջանի հիվանդանոց։ Խուզարկությամբ ձերբակալվածների մոտ հայտնաբերվել է 6,4 կգ մարիխուանա, մետամֆետամին, 1000 դեղահաբ և 1 դանակ։