ԵՐԵՎԱՆ 6 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ալիևը փորձել է հավաստիացնել Ֆրանսիայի դեսպանին, որ Լեռնային Ղարաբաղի ոչ մի շրջափակում չկա

Ադրբեջանի նախագահ Իլհամ Ալիևն ընդունել է Բաքվում Ֆրանսիայի դեսպան Անն Բուայոնին: NEWS.am-ի հաղորդմամբ այս մասին հայտնում են ադրբեջանական լրատվամիջոցները՝ հղում անելով Ալիևի վարչակազմին։

Ալիևը փորձել է հավաստիացնել դեսպանին, որ Լեռնային Ղարաբաղի ոչ մի շրջափակում չկա։ «Վերջին ժամանակներս Հայաստանն անհիմն պահանջներ է ներկայացնում Ադրբեջանի տարածքում Լաչին-Խանքենդի ճանապարհի իբր փակման մասին, այդ մեղադրանքները բացարձակ սուտ են և անհեթեթ»,-ասել է Ալիևը՝ հավելելով, որ «վերոհիշյալ ճանապարհով ապահովվում է քաղաքացիական նշանակության բեռների և քաղաքացիական անձանց փոխադրումը ռուս խաղաղապահների և Կարմիր Խաչի Միջազգային Կոմիտեի գծով»։ Նրա խոսքով՝ դեկտեմբերի 12-ից «այդ ճանապարհով երկու ուղղություններով էլ ապահովվել է շուրջ 1000 տրանսպորտային միջոցների երթևեկություն»։

«Ալիևը նաև կարևորել է ադրբեջանական տարածքներում, որտեղ ժամանակավորապես տեղակայված են ռուս խաղաղապահներ, օգտակար հանածոների հանքավայրերի ապօրինի շահագործման դադարեցումը և Ադրբեջանի կողմից այդ հանքավայրերի մշտական մոնիթորինգի ապահովումը»,-մեջբերում են ԶԼՄ-ները:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 49%
    Քամի՝ 3,6 կմ/ժ
    6 C°
     
    20°   
    30.03.2024
    18°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: