ԵՐԵՎԱՆ 6 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Մոլդովայի շուրջ ՌԴ-Արևմուտք առճակատման խորացումը մեծացնում է ռիսկերը նաև Հարավային Կովկասի համար

ՌԴ ԱԳՆ-ն հայտարարություն է տարածել, որում ասվում է. «Մերձդնեստրում մեր հայրենակիցների, խաղաղապահների և զինվորականների անվտանգությանը սպառնալիք ստեղծող ցանկացած գործողություն գնահատվելու է որպես հարձակում ՌԴ-ի վրա»:

Ըստ ՌԴ ԱԳՆ տարածած հայտարարության, սա նախազգուշացում է՝ ուղղված ԱՄՆ-ին, ՆԱՏՕ անդամ երկրներին և Ուկրաինային՝ զերծ մնալու Մերձդնեստրի դեմ սադրանքներից՝ սահմաններին զինված ուժերի և ռազմական տեխնիկայի կուտակման ֆոնին:

Սա լուրջ ազդանշան է, որ Մոլդովայում և Մերձդնեստրի շուրջ ծավալվող զարգացումները, մասնավորապես՝ Արևմուտքի և ՌԴ առճակատման տարածումն այդ տարածաշրջանի վրա, կարող է լարման նոր փուլ մտնել, այդ թվում՝ հանգեցնելով նոր ռազմական ճակատի բացման Ուկրաինայից հետո:

Փետրվարի 23-ին Մոլդովան հայտարարեց ԱՊՀ մի շարք պայմանագրերից դուրս գալու գործընթաց սկսելու մասին: Մոլդովայի Արտաքին գործերի և եվրաինտեգրման հարցերով նախարար Նիկու Պոպեսկուն հայտարարել է, որ Քիշնևի նպատակը ԵՄ անդամակցությունն է և «արտաքին քաղաքական բոլոր նպատակներն ու միջազգային կազմակերպություններին մասնակցությունը ծառայեցվելու են դրան»: Մոլդովայի խորհրդարանի խոսնակը հայտարարել է, որ Ուկրաինայում պատերազմի ավարտից հետո կքննարկեն ընդհանրապես ԱՊՀ-ին Մոլդովայի անդամակցության նպատակահարմարության հարցը:

Այս համատեքստում Մոլդովան խորացնում է համագործակցությունը ՆԱՏՕ-ի հետ: ՆԱՏՕ-ն հաստատել է Մոլդովային օգնության նոր փաթեթը, որն ուղղված է վերջինիս պաշտպանական պոտենցիալի  մեծացմանն ու անվտանգության ամրապնդմանը:

Փետրվարի 21-ին ԱՄՆ նախագահ Ջոզեֆ Բայդենն, իր հերթին, ԱՄՆ ամուր աջակցությունն էր հայտնել Մոլդովայի ինքնիշխանությանն ու տարածքային ամբողջականությանը:

Ընդհանուր առմամբ, ակնհայտ է, որ Արևմուտքը բոլոր հնարավոր ուղղություններով փորձում է խնդիրներ ստեղծել ՌԴ համար՝ շեղելով վերջինիս ուշադրությունն Ուկրաինայից և մասնատելով ռեսուրսները: Այս քաղաքականությունն ու դրա հետևանքներն ուղղակի և անուղղակի ազդեցություն են ունենալու նաև Հարավային Կովկասի և ուղղակիորեն Հայաստանի վրա: Դրա մասին են վկայում թե՛ հայ-ադրբեջանական երկխոսության հարցում Արևմուտքի ակտիվացած միջնորդական ջանքերը, թե՛ տարածաշրջանում ԵՄ անմիջական ներկայության մեծացումն, օրինակ՝ Հայաստանում ԵՄ քաղաքացիական առաքելության տեսքով: Ընդհանուր լարվածության աճի ֆոնին ՌԴ հնարավոր արձագանքը կարող է բավական ծանր հետևանքներ ունենալ այս գործընթացներում ներգրավված երկրների համար:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 49%
    Քամի՝ 3,6 կմ/ժ
    6 C°
     
    20°   
    30.03.2024
    18°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: