ՀՀ-ն միանում է Եվրասիական վերաապահովագրական հիմնադրամին

ՀՀ կառավարությունն այսօր հավանություն է տվել «Եվրասիական վերաապահովագրական ընկերության հիմնադրման մասին» համաձայնագրի վավերացմանը։

Վերաապահովագրական ընկերությունը միջազգային ֆինանսական կազմակերպություն է, որը ստեղծվում է Եվրասիական տնտեսական միության փոխադարձ և արտաքին առևտրի խթանման, համատեղ կոոպերացիոն նախագծերի և ներդրումների իրագործման նպատակով՝ լրացնելով ընկերության անդամ պետությունների արտահանման-վարկային գործակալությունների գործառույթները վերազգային մակարդակում, փոխանցում է Sputnik-ը։

Ընկերության հիմնադրման նպատակն է աջակցել Եվրասիական տնտեսական միության անդամ պետությունների միջև փոխադարձ առևտրի, ներդրումների ծավալների մեծացմանը, տնտեսական ինտեգրման զարգացմանը, ներդրումային գրավչության բարձրացմանը և երրորդ երկրների հետ միության առևտրատնտեսական կապերի ընդլայնմանը։

Հիմնադրամը վերաապահովագրելու է ԵԱՏՄ-ում ու երրորդ երկրներում արտահանման վարկերը, արտահանմանն ուղղված ֆինանսավորումներն ու ներդրումները ձեռնարկատիրական և քաղաքական ռիսկերից։

Վերաապահովագրական ընկերության մասնակիցներ կարող են լինել պետությունները և միջազգային ֆինանսական կազմակերպությունները:

Ընկերությունը միջազգային իրավունքի սուբյեկտ հանդիսացող միջազգային կազմակերպություն է, որն միջազգային համաձայնագրեր կնքելու իրավունք։

Ընկերության վրա չեն տարածվում ԵԱՏՄ անդամ պետությունների օրենսդրության դրույթները։

Ընկերության կանոնադրությամբ նախատեսում է անդամ պետությունների միջև տարաձայնությունների և վեճերի լուծում բանակցությունների և խորհրդակցությունների միջոցով:

Նշենք, որ «Եվրասիական վերաապահովագրական ընկերության հիմնադրման մասին» համաձայնագիրը ստորագրվել էր 2022թ. հոկտեմբերի 20-ին Երևանում:

Համաձայնագիրն իրենից ներկայացնում է բազմակողմ միջազգային պայմանագիր, որով կարգավորվում են վերաապահովագրման ընկերության ստեղծման և գործունեության, դրա կարգավիճակի, գործառույթների, ինչպես նաև ֆինանսավորման հարցերը:

Համաձայնագիրն իրավական ուժ կստանա ԱԺ–ի կողմից հավանության արժանանալուց ու ՀՀ նախագահի կողմից վավերացվելուց հետո։