ԵՐԵՎԱՆ 29 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Հռոմի Ֆրանցիսկոս պապը հոսպիտալացվել է

Հռոմի Ֆրանցիսկոս պապը շնչառական վարակ ունի և պետք է մի քանի օր անցկացնի Հռոմի հիվանդանոցում: Այս մասին հաղորդում է BBC-ն:

86-ամյա Հռոմի պապը վերջին օրերին շնչառական դժվարություններ ուներ, սակայն նրա մոտ Covid-19 չի հայտնաբերվել: Ըստ Վատիկանի տարածած հայտարարության՝ կաթոլիկ եկեղեցու առաջնորդին անհրաժեշտ կլինի «մի քանի օր համապատասխան հիվանդանոցային բուժում անցնել»:

«Հռոմի պապ Ֆրանցիսկոսը հուզված է ստացված բազմաթիվ հաղորդագրություններից և իր երախտագիտությունն է հայտնում մտերմության և աղոթքի համար», - ասվում է հայտարարության մեջ։

Հռոմի Ֆրանցիսկոս պապի համար սա տարվա ամենազբաղված ժամանակաշրջանն է, քանի որ Սուրբ Զատկի տոնից առաջ բազմաթիվ պատարագներ և միջոցառումներ կան:

Վատիկանն ի սկզբանե հայտնել էր, թե Պապը հիվանդանոց է գնացել նախապես պլանավորված բուժզննման համար, սակայն իտալական լրատվամիջոցները թերահավատորեն էին վերաբերվում այս հայտարարությանը, քանի որ չեղարկվել էր Հռոմի պապի հետ նախատեսված հարցազրույցը:

Վերջին ամիսներին կաթոլիկ եկեղեցու առաջնորդը շարժասայլակով էր տեղաշարժվում, քանի որ ծնկի հետ կապված խնդիրներ ուներ:

Չնայած դրան՝ փետրվարին Հռոմի Ֆրանցիսկոս պապն այցելել էր Կոնգոյի Դեմոկրատական Հանրապետություն և Հարավային Սուդան:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 28%
    Քամի՝ 4,12 կմ/ժ
    29 C°
     
    32°  19° 
    26.06.2024
    29°  16° 
    27.06.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: