ԵՐԵՎԱՆ -5 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ֆրանսիայի Գրենոբլ քաղաքում հարգանքի տուրք է մատուցվել Հայոց ցեղասպանության սրբադասված նահատակների հիշատակին

Հայաստանի Հանրապետության Գեղարքունիքի մարզի Սևանի քույր քաղաք Գրենոբլում ապրիլի 24-ին հարգանքի տուրք է մատուցվել Հայոց ցեղասպանության սրբադասված նահատակների հիշատակին։

Ինչպես «Արմենպրես»-ին տեղեկացրին Սևանի համայնքապետարարանի աշխատակազմից,  Գրենոբլի քաղաքապետարանի հարակից տարածքում տեղադրված հուշախաչքարը երեկվա ընթացքում  ողողվել է ծաղիկներով՝ Ֆրանսիայի ու Հայաստանի դրոշների ներքո։

Գրենոբլի քաղաքապետ Էրիկ Պիոլի գլխավորությամբ տեղի պաշտոնյաներն ու բնակիչները հայտնել  են իրենց զորակցությունը հայ ժողովրդին ու միացել  հայ ժողովրդի չմարող հիշողությանն ու արդար դատին։

Իսկ Սևան քաղաք պաշտոնական այցով ժամանած Գրենոբլի քաղաքապետարանի պատվիրակները ծաղիկներ են խոնարհել Հայոց ցեղասպանության սրբադասված նահատակների հուշախաչքարին։

«Երախտապարտ ենք մեր բարեկամներին ու գործընկերներին, ովքեր և՛ Գրենոբլում, և՛ այս օրերին Սևանում մեզ հետ են, մեր կողքին։ Սևան-Գրենոբլ 19-ամյա համագործակցության ևս մեկ վավերագրություն է սա, որ բացում է նոր հեռանկարներ հայ -ֆրանսիական դարավոր ու ջերմ բարեկամության ճանապարհին։ Մենք զգացված ենք մեր բարեկամների մարդասիրական վերաբերմունքից, մեզ զորակցելուց»,-նշեց Սևանի համայնքապետարանի աշխատակազմի քարտուղար Արմինե Ղուկասյանը։


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 50%
    Քամի՝ 1,03 կմ/ժ
    -6 C°
     
      -1° 
    29.02.2024
       
    01.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: