ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Բորելը պատժամիջոցների կոչ է արել՝ սահմանափակելու համար ռուսական նավթի ձեռքբերումը Հնդկաստանի կողմից

Եվրոպական դիվանագիտության ղեկավար Ժոզեպ Բորելը Financial Times-ի (FT) հարցազրույցում ասել է, որ Եվրամիությանը հայտնի է, որ Հնդկաստանը մեծ ծավալով ռուսական նավթ է գնում՝ վերամշակելուց հետո Եվրոպային վաճառելու համար։ Բորելի կարծիքով՝ ԵՄ-ն պետք է լրացուցիչ միջոցներ ձեռնարկի Հնդկաստանի հանդեպ՝ ռուսական նավթի ձեռքբերումը կանխելու համար, փոխանցում է NEWS.am-ը:

«Եթե դիզելային վառելիքը կամ բենզինը Եվրոպա է գալիս Հնդկաստանից և արտադրվում է ռուսական նավթից, ապա դա, անշուշտ, պատժամիջոցների շրջանցում է, և ԵՄ անդամ երկրները պետք է միջոցներ ձեռնարկեն»,- ասել է եվրոպական դիվանագիտության ղեկավարը։

FT-ն նշել է, որ Հնդկաստանը դարձել է ռուսական հում նավթի ամենամեծ գնորդներից մեկն Ուկրաինայում ռազմական հակամարտության սկսվելուց հետո։ Հնդկական նավթավերամշակող ձեռնարկությունները սկսել են մեծ ծավալով շահույթ ստանալ ի հաշիվ զգալի զեղչով ռուսական հում նավթի ձեռքբերման։

Վերամշակումից հետո վառելիքը Հնդկաստանից մատակարարվում է Եվրամիության եկրներ։ Այդ առևտուրը չի խախտում ավելի վաղ Ռուսաստանի դեմ մտցված պատժամիջոցները, սակայն ենթարկվում է քննադատության նրանց կողմից, ովքեր կոչ են անում ավելի կոշտ սահմանափակումներ մտցնել, գրել է FT-ն։

Ժոզեպ Բորելի խոսքով՝ ռուսական նավթի գների սահմանափակումը, որը 2022թ. դեկտեմբերին մտցրին G7-ի, Եվրամիության երկրները և Ավստրալիան մեկ բարելը 60 դոլարի չափով, թույլ է տվել կրճատել Ռուսաստանի վառելիքի վաճառքից ստացվող եկամուտները։ «Այն, որ Հնդկաստանը ռուսական նավթ է գնում, նորմալ է։ Մեր սահմանափակումների շնորհիվ Հնդկաստանը կարող է շատ ավելի էժան նավթ գնել։ Իսկ որքան քիչ փող ստանա Ռուսաստանը, այնքան լավ»,- ավելացրել է նա։

Միևնույն ժամանակ, Բորելն ընդգծել է, որ եթե հնդկական կողմն օգտագործի ռուսական նավթը եվրոպական երկրներին վերավաճառելու համար, «անհրաժեշտ կլինի գործել»։ Եվրոպական դիվանագիտության ղեկավարի կարծիքով՝ ցանկացած մեխանիզմ, որը թույլ կտա կրճատել ռուսական նավթի վաճառքը, պետք է իրականացվի Եվրամիության երկրների «ազգային իշխանությունների» կողմից։


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 27%
    Քամի՝ 0,51 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: