ԵՐԵՎԱՆ 23 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Վրաստանի վարչապետը հայտարարել է, որ Թբիլիսին չի ենթարկվի ԵՄ քաղաքականությանը

EADaily

Վրաստանը չի ենթարկվի ԵՄ քաղաքականությանը, քանի որ կազմակերպության անդամ չէ։ ՏԱՍՍ-ը գրում է, որ այդ մասին ուրբաթ օրը լրագրողներին ասել է հանրապետության վարչապետ Իրակլի Ղարիբաշվիլին՝ ի պատասխան ԵՄ-ի քննադատության՝ կապված Ռուսաստանի Դաշնությունից թռիչքների վերականգնման հետ։

«Եվրամիության քաղաքականությանը համապատասխանելու համար մենք պետք է ԵՄ անդամ լինենք։ Այսօր մենք դեռ Եվրամիության անդամ չենք։ Դրա համար տարիներ կպահանջվեն»,-ասել է Ղարիբաշվիլին։

Կառավարության ղեկավարը ևս մեկ անգամ նշել է, որ Ռուսաստանի Դաշնության հետ օդային հաղորդակցության վերականգնումը ճիշտ որոշում էր՝ ընդգծելով, որ արևմտյան պատժամիջոցների տակ հայտնված ավիաընկերությունների ինքնաթիռները հանրապետության տարածով չեն թռչի։

Ղարիբաշվիլին քննադատել է արևմտյան գործընկերների քաղաքականությունը՝ նշելով, որ 2008 թվականի պատերազմից հետո նրանք չեն վերանայել իրենց քաղաքականությունը Ռուսաստանի նկատմամբ և որևէ փոփոխություն չեն կատարել։
«Արևմտյան երկրներ, երբ մեր վրացի տղաները մահանում էին, և մենք արյուն էինք թափում ոչ միայն Վրաստանում, այլ նաև ՆԱՏՕ-ի առաքելություններում, Աֆղանստանում, Իրաքում, մենք ամենուր լավ ներկայացված էինք։ Արյուն ենք թափել, մեր կյանքն ենք զոհաբերել։ Ի՞նչ ստացանք դրա դիմաց։ Բանը հասավ նրան, որ օգոստոսյան պատերազմից հետո Ռուսաստանի նկատմամբ քաղաքականությունը ոչ ոք չվերանայեց։ «Նրանք ոչ մի փոփոխություն չեն կատարել Ռուսաստանի նկատմամբ իրենց քաղաքականության մեջ»,- ասել է Ղարիբաշվիլին։


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 20%
    Քամի՝ 0,51 կմ/ժ
    23 C°
     
    27°  15° 
    25.04.2024
    29°  17° 
    26.04.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: