ԵՐԵՎԱՆ -4 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ԵԽ-ում քննարկվել է սեպտեմբերի 19-ին Ադրբեջանի սանձազերծված ռազմական ագրեսիան Լեռնային Ղարաբաղի դեմ

Սեպտեմբերի 27-ին Եվրոպայի խորհրդի նախարարների կոմիտեի հանդիպմանը քննարկվել է սեպտեմբերի 19-ին Ադրբեջանի սանձազերծված ռազմական ագրեսիան Լեռնային Ղարաբաղի դեմ։ Հայտնում են Հայաստանը Եվրոպայի խորհրդում ֆեյսբուքյան էջում:

Հայտարարություններով հանդես են եկել 30 ԵԽ անդամ պետություններ, ինչպես նաև ԵՄ և ԱՄՆ պատվիրակությունները։

Ընդգծվել է Ադրբեջանի կողմից ուժի կիրառման անթույլատրելիությունը, միջազգային դերակատարների կողմից Լեռնային Ղարաբաղ մուտք գործելու անհրաժեշտությունը, Լեռնային Ղարաբաղում բնակվող հայերի անվտանգությունը և մարդու իրավունքները ապահովելու հրամայականը։

Դեսպան Խաչատրյանը ներկայացրել է Լեռնային Ղարաբաղում Ադրբեջանի ռազմական գործողությունների աղետալի հետևանքները, ինչը հանգեցրել է այս պահի դրությամբ շուրջ 50 հազար բնակչի բռնի տեղահանման։ Դեսպանը ահազանգել է, որ Ադրբեջանի նպատակը Լեռնային Ղարաբաղի հայ բնակչության էթնիկ զտումներն ավարտին հասցնելն է։

Հայաստանի մշտական ներկայացուցիչը նշել է, որ Ադրբեջանը պարտավոր է կատարել սեպտեմբերի 22-ին Ադրբեջանի նկատմամաբ կիրառված ՄԻԵԴ միջանկյալ միջոցները։

Դեսպանը նշել է, որ Լեռնային Ղարաբաղի հայ բնակչությունն իրավունք ունի լիարժեք իրականացնելու Մարդու իրավունքների եվրոպական կոնվենցիայում ամրագրված բոլոր իրավունքներն ու ազատությունները: Նրանց իրավունքներն ու անվտանգությունը պետք է պատշաճ կերպով հաշվի առնվեն և երաշխավորվեն միջազգային մակարդակով։

Ընդգծել է, որ Նախարարների կոմիտեն պետք է լրջորեն ուսումնասիրի Ադրբեջանի կողմից ԵԽ կանոնադրական և անդամակցությամբ ստանձնած պարտավորությունների կատարումը և դիտարկի ընդհուպ միջև անդամակցության կասեցման հնարավորությունը։


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 63%
    Քամի՝ 1,54 կմ/ժ
    -4 C°
     
    11°   
    04.03.2024
    12°   
    05.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: