ԵՐԵՎԱՆ 25 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 26 763,76 դրամ ԱՐԾԱԹ - 269,15 դրամ ՊԼԱՏԻՆ - 12 944,31 դրամ

Դիարբեքիրում ռազմական գործողություններից վնասվել է Սուրբ Կիրակոս հայկական եկեղեցին

Դիարբեքիր նահանգի Սուր գավառում քուրդ զինյալների և թուրքական իրավապահ ուժերի միջև բախումների հետևանքով տուժել է Սուրբ Կիրակոս հայկական եկեղեցին:  Թուրքական Demokrathaber.net-ի փոխանցմամբ՝ հայկական եկեղեցու մոտակայքում գործի դրված ականի պայթյունի հետևանքով կոտրվել են Սուրբ Կիրակոս եկեղեցու պատուհանների ապակիները, վնասվել են պատերը: Եկեղեցու պատերին կան փամփուշտների հետքեր:

Դիարբեքիրի Սուրբ Կիրակոս հայկական եկեղեցին Մերձավոր Արևելքի ամենամեծ քրիստոնեական եկեղեցին է: 2012 թվականի նոյեմբերի 4-ին` 32 տարվա ընդմիջումից հետո այստեղ կատարվեց վերանորոգմանը հաջորդած առաջին եկեղեցական արարողությունը: Նույն օրը եկեղեցում տեղի ունեցավ նաև առաջին պսակադրությունը: Սուրբ Կիրակոս եկեղեցու վերանորոգման աշխատանքներն իրագործվել են Պոլսի Հայոց պատրիարքարանի ֆինանսական աջակցությամբ: Աշխատանքներին աջակցություն է ցուցաբերել նաև Դիարբեքիրի քաղաքապետարանը:

Վերակառուցվել էր եկեղեցու զանգակատունը, որը վնասվել էր 1915թ.-ին` ռմբակոծությունից. եկեղեցու գմբեթն ամենաբարձրն էր քաղաքում, և մզկիթների մինարեթներից բարձր չլինելու համար մահմեդականներն ավերել էին այն: Թեև Սուրբ Կիրակոս եկեղեցին մինչև 1980 թվականը գործել է, սակայն նրա զանգերը միան 2012 թվականի նոյեմբերի 4-ին` 97 տարի անց են կրկին ղողանջել:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 21%
Քամի՝ 7 կմ/ժ
25 C°
 
16°  28° 
01.06.2020
16°  28° 
02.06.2020
Հարցում

Բավարարվա՞ծ եք ՄԻԵԴ որոշումով՝ կապված Գուրգեն Մարգարյանին սպանողին հերոսացնելու գործի հետ: