ԵՐԵՎԱՆ 24 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 27 522,8 դրամ ԱՐԾԱԹ - 283,15 դրամ ՊԼԱՏԻՆ - 12 789,74 դրամ

Նավթի համաշխարհային գներն աճում են

Նավթի համաշխարհային գները շարունակում են աճել:  Լոնդոնյան ICE Futures բորսայում Brent տեսակի նավթի գինն աճել է 0.55 %` կազմելով մեկ բարելի դիմաց 52.94 դոլար: WTI տեսակի նավթի գինն աճել է 0,64% -ով՝ հասնելով 49,95 դոլարի մեկ բարելի դիմաց:

Տևական ժամանակ նավթի համաշխարհային առաջարկի աճն ու վերջինիս ավելացման կանխատեսումները սև ոսկու գները հասցրեցին պատմական մինիմումի: Գների հանկարծակի աճը, պայմանավորված է որոշակի գործոններով:

Մեծամասամբ նավթի համաշխարհային գների աճը պայմանավորված է Չինաստանում ֆիսկալ վիճակի կայունացմամբ: Պետք է հիշել, որ այս տարվա ամռանը չինական ֆոնդային շուկայում արձանագրված անկումը եղավ նավթի գների անկման պատճառներից մեկը: Այսօր արդեն շուկան կայուն է, ինչը երաշխիքներ է տրամադրում, որ համաշխարհային տնտեսությունում առկա ճգնաժամը արժութային չէ: Սա իր հերթին նպաստող հանգամանք է նավթի գների որոշակի աճի համար:

Մյուս կողմից, որպես գների անկման կարևորագույն փաստարկ, առաջ էր քաշվում նավթի առաջարկի աճը: Այս մասով ևս խնդիրը, կարծես թե, որոշակիորեն բալանսավորվում է. ՕՊԵԿ-ի գլխավոր քարտուղար Աբդալա Սալեմ ալ-Բադրին  հայտարարել է, որ առաջիկայում սպասվում է նավթի պահանջարկի աճ՝ ի հաշիվ ՕՊԵԿ-ի անդամ չհանդիսացող երկրներից նավթի մատակարարման կրճատման, հաղորդում է Bloomberg-ը: Չնայած, որ քարտուղարի խոսքերով նավթի ավելցուկային առաջարկը դեռևս պահպանվում է, իսկ նավթի պաշարները շարունակում են մնալ միջինից բարձր մակարդակում առաջիկա հինգ տարիների համար, այնուամենայնիվ, սպասելի է, որ նավթի առաջարկի ցանկացած կրճատում պիտի հանգեցներ գների աճի:

Նավթի համաշխարհային գների աճն անմիջական ազդեցություն ունի նաև Ռուսաստանի տնտեսության վրա:  Ռուսական ռուբլու կայունացման համար նպաստող հանգամանք է, որ նավթի գների աճը տեղի ունեցավ հենց այն փուլում, երբ ռուբլին դոլարի նկատմամբ, կարծես թե գրավել է, թեկուզ ցածր՝ բայց կայուն դիրքեր: Արդեն տևական ժամանակ է, ինչ ռուբլին դոլարի նկատմամբ գտնվում է 62-ի  շրջակայքում: Սա նշանակում է, որ ինքնակարգավորման բոլոր մեխանիզմները ռուբլու պարագայում գործարկված են, իսկ արտաքին լրացուցիչ դրական գործոնն, այս դեպքում նավթի գների աճը, կարող է խթանել ռուբլու կայունացմանը:

Եթե խնդրին նայենք հայկական շահերի դիտանկյունից, ապա ռուբլու կայունացումը չորրոդ եռամսյակում, լավագույնն է, ինչ կարող է պատահել մեր տնտեսության համար: Դեկտեմբերյան տրանսֆերտների հոսքը, ձմեռային ծախսերի, այդ թվում նաև ամանորյա ծախսերի շրջանը շատ ավելի տանելի կլինեն կայուն ռուբլի ունենալու պարագայում:

Նավթի համաշխարհային գների աճն ու այդպիսի աճով նոր տարի մուտք գործելը մեծ նշանակություն կարող է ունենալ համաշխարհային տնտեսության զարգացումների համար, հատկապես հաշիվ առնելով, որ արդեն հաջորդ տարվանից այդ զարգացումներում գերակշռելու է նավթային մի պետության՝ Իրանի վերինտեգրումը համաշխարհային հանրությանը: Ավելի կայուն նավթային գներով ավելի կայուն կլինի Իրանի տնտեսությունն ու բոլոր այն տնտեսությունները, որոնք այս կամ այն կերպ մասնակցություն են ունենալու Իրանի վերինտեգրման գործընթացին:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 46%
Քամի՝ 3 կմ/ժ
24 C°
 
18°  31° 
06.07.2020
20°  33° 
07.07.2020
Հարցում

Համարո՞ւմ եք արդյոք Գագիկ Ծառուկյանի դեմ իրականացվող գործողությունները քաղաքական հետապնդում: