ԵՐԵՎԱՆ 38 C°
ՀՀ ԿԲ -
  • USD - 405.79 դրամ +0,79 EUR - 412.81 դրամ +0,81 RUB - 6.83 դրամ +0,83 GBP - 489.18 դրամ -1,82
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ինչո՞վ է կարևորվում Հռոմի պապի այցը Հայաստան

Կաթոլիկ աշխարհի առաջնորդի այցը Հայաստան հիրավի պատմական է: Այցի կարևորությույունը մատնանշում են թե՛ դրա տևողությունը (3 օր), թե՛ ընտրված կարգախոսը՝  «Այց առաջին քրիստոնյա երկիր»: Հաշվի առնելով միջազգային մամուլի ուշադրությունն ինչպես Հռոմի պապի անձի, այնպես էլ այս այցի նկատմամբ (ըստ որոշ տվյալների՝ Հայաստանում են գտնվում շուրջ 600 լրատվամիջոցների ներկայացուցիչներ)՝ միանշանակ կարելի է ասել, որ առաջիկա օրերին Հայաստանը և այցի տարբեր բաղադրիչներ կլինեն միջազգային պարբերականների առաջին էջերին, ինչը բավական լավ հնարավորություն է Հայաստանի և հայ ժողովրդի համար:

Հռոմի Ֆրանցիսկոս պապի այցն իր մեջ ամփոփում է նաև աշխարհին ուղղված մի քանի ուղերձ.

  1. Հայաստանը հանդիսանում է քրիստոնեական մշակույթի և արժեքների աղբյուրներից մեկը և բնավ պատահական չէր, որ անձամբ Պապն իր այցը որակեց «ուխտագնացություն»:
  2. Այցն ընդգծում է նաև այն հանգամանքը, որ հենց Հայաստանն է քրիստոնեական և նրա արժեքների վրա հիմնված եվրոպական քաղաքակրթության սահմանը, ինչով էլ թերևս պայմանավորված է հայ ժողովրդի բարդ պատմությունը:
  3. Հայաստանը, հայ ժողովրդը և Հայ Առաքելական եկեղեցին ունեցել են և ունեն կարևոր դերակատարում քրիստոնեական աշխարհում, ինչի մասին է վկայում այն հանգամանքը, որ հայաստանյան այցն առանձնացվել է Պապի տարածաշրջանային այցից: Արդեն իսկ հայտնի է, որ աշնանը՝ սեպտեմբերի 30-ից հոկտեմբերի 2-ը, Հռոմի պապն այցելելու է նաև Վրաստան և Ադրբեջան:

Հռոմի պապի այցը Հայաստան, բնականաբար, կունենա նաև որոշակի քաղաքական ազդեցություն: Հաշվի առնելով Պապի դերակատարումը և հեղինակությունը Եվրոպայում, ընդհանրապես, և կաթոլիկ աշխարհում մասնավորապես` չենք կարող բացառել նաև, որ հետևողական աշխատանքի դեպքում այցը դրական ազդակներ կհաղորդի մի կողմից Հայաստան-Եվրոպա հարաբերություններին, մյուս կողմից՝ Հայոց ցեղասպանության ճանաչման և դատապարտման գործընթացին կաթոլիկ աշխարհում: 


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 8%
Քամի՝ 4,12 կմ/ժ
38 C°
 
37°  22° 
19.08.2022
36°  21° 
20.08.2022
Հարցում

Կկարողանա՞ն արդյոք Ռուսաստանն ու Ուկրաինան մոտ ապագայում ճանապարհ հարթել դեպի խաղաղություն: