ԵՐԵՎԱՆ 15 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Կամավորականությունը Միացյալ Նահանգներում. "Նեշվիլի ձեռքեր"

      Միացյալ Նահանգներում կամավորական գործունեությամբ զբաղվում է երկրի ողջ բնակչության կեսից ավելին: Միջին վիճակագրական տվյալներով կամավորներից յուրաքանչյուրը
շաբաթական շուրջ 3.5 ժամ տրամադրում է այս կամ այն ոլորտում կամավորական գործունեությանը՝ այսպիսով օգնելով համերկրացիներին տարեկան շուրջ 225 միլիարդ դոլար խնայել: Առավել մեծ խանդավառությամբ կամավորական գործունեության մեջ ներգրավված են ամերիկացի պատանիները, նրանց շուրջ 59%-ը ներգրավված է որեւէ հասարակական-բարեգործական կազմակերպության գործունեությունում: Միացյալ Նահանգներում հասարակական որեւէ միջոցառման կազմակերպումն ու իրականացումն անհնար է պատկերացնել առանց կամավորների մասնակցության: Կենցաղային ցանկացած հարցում, երբ ամերիկացիներն օգնության կարիք ունեն, նրանք կարող են ապավինել օգնական ձեռքերի օժանդակությանը: Այս նպատակով է ձեւավորվել նաեւ "Hands on Nashville" կամ "Նեշվիլի ձեռքեր" հասարակական կազմակերպությունը: 2010թ. Թենեսի նահանգի Նեշվիլ քաղաքը մեծապես տուժել էր ջրհեղեղի հետեւանքով: Մայիսյան հորդառատ անձրեւների պատճառով ափերից դուրս եկած Քեմբերլենդ գետը հեղեղել էր գրեթե ողջ քաղաքը` տասնյակ զոհերի եւ բազում ավերածությունների պատճառ դառնալով: Նեշվիլում ջրհեղեղի հետեւանքների վերացման աշխատանքները շարունակվում են նաեւ այսօր: Այս գործընթացում մեծ է հասարակական կազմակերպությունների դերը:  
      -Ես Լիզա Դեյվիս Փըրսըլն եմ՝ "Hands on Nashville" կազմակերպության արտաքին կապերի բաժնի տնօրենը:
      "Hands on Nashville"-ը ստեղծվել է 1991 թ. մի խումբ մասնագետների կողմից, որոնք միջոցներ էին փնտրում կամավորական գործունեություն ծավալելու նպատակով:
      Այսօր մենք շարունակում ենք Նեշվիլում ջրհեղեղների հետեւանքների վերացման աշխատանքները: Մենք համագործակցում ենք մի շարք գործընկեր կազմակերպությունների հետ:

Դրանցից մեկը Վեստմինստերի Երիցական եկեղեցին է: 2010թ. մայիսին քաղաքը հեղեղվել էր, միլիոնավոր դոլարների վնաս էր հասցվել, եւ հազարավոր տներ էին ավերվել: 18 ամիս է անցել ջրհեղեղից հետո: Վեստմինստերի Երիցական եկեղեցու հետ միասին վերականգնողական աշխատանքներ ենք կատարում, որպեսզի բնակիչները կարողանան վերադառնալ իրենց տները:
      Hands on Nashville"-ը ներգրավված էր նաեւ Քաթրինա փոթորկի հետեւանքների վերականգնողական աշխատանքներում: Ես ինքս մասնակցել եմ այդ աշխատանքներին: Ես շատ եմ հպարտանում Նեշվիլ
քաղաքի արձագանքով փոթորկին: Հազարավոր տներ վերակառուցվեցին կամավորների օգնությամբ: Հիանալի է տեսնել, թե ինչպես են ԱՄՆ-ի քաղաքացիներն օգնում միմյանց, աջակցում` ավերիչ իրավիճակներից դուրս գալու համար:

      Միացյալ Նահանգներում այսօր տարածում է գտնում նաեւ այսպես կոչված "կամավորական տուրիզմը", երբ մարդիկ միմյանց օգնելու եւ կամավորական գործունեությամբ զբաղվելու նպատակով երկրի հեռավոր շրջաններից ժամանում են այնտեղ, ուր օգնության կարիք են զգում: Կամավորական տուրիզմն այսօր է ծավալվում է նույնիսկ Միացյալ Նահանգների սահմաններից դուրս:  
      -Ես դոկտոր Դոնալդ Ռասըլն եմ: Ես ողջ աշխարհում նախագծեր իրականացնող "Vacation with the purpose" ("Նպատակաուղղված հանգիստ") կազմակերպության գործադիր տնօրենն եմ: Մեր կենտրոնական գրասենյակը գտնվում է Փենսիլվանիայի Մերշեր շրջանում: Երբ տեղի ունեցավ Նեշվիլի ջրհեղեղը, մենք ինտերնետի միջոցով սկսեցինք
փնտրել այն կազմակերպությունները, որոնք ընդունում էին կամավորական խմբեր: Մենք կապվեցինք Վեստմինստերի Երիցական եկեղեցու հետ, եւ նրանք մեզ հրավիրեցին: Սա արդեն մեր երրորդ այցելությունն է` Նեշվիլի ջրհեղեղից տուժածների հետ աշխատելու համար:

      Ես աշխատել եմ նաեւ Լիտվայում, Գերմանիայում, մի շարք այլ երկրներում: Վերջերս Լիտվայի հետ ենք աշխատել, նոր ենք վերադարձել այդ երկրից:

Աննա Մկրտչյան
Նյութը պատրաստվել է
ԱՄՆ պետքարտուղարության աջակցությամբ իրականացվող
"Քաղաքականությունից այն կողմ. ամերիկյան ոգին" ծրագրի շրջանակում
17.01.2012

Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 33%
    Քամի՝ 1,54 կմ/ժ
    14 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: