Կիևի դատարանը որոշում է կայացրել ձերբակալել ՌԴ պաշտպանության նախարարին

• 01.09.2016, 21:32
•  Եվրոպա,  ԵԱՏՄ,  Աշխարհ

function.mil.ru

Կիևի դատարանը բավարարել է Ռուսաստանի պաշտպանության նախարար Սերգեյ Շոյգուին ձերբակալելու մասին դատախազության միջնորդությունը, հաղորդում է Ուկրաինսկիե Նովոստին:

Շոյգուին կասկածում են Ուկրաինայի Քրեական օրենսգրքի մի շարք հոդվածներով նախատեսված հանցագործություններ կատարելու մեջ, մասնավորապես՝ 110 հոդվածի 3-րդ մասով (Ուկրաինայի տարածքային ամբողջականության և անձեռնմխելության հանդեպ ոտնձգություն), 258-3 հոդվածի 1-ին մասով (ահաբեկչական կազմակերպության ստեղծում), 258-5 հոդվածի 3-րդ մասով (ֆինանսական ահաբեկչություն), 437 հոդվածի առաջին մասով (ագրեսիվ պատերազմի ծրագրում, նախապատրաստում, սանձազերծում և վարում):

Նշվում է նար, կասկածյալի գտնվելու վայրն անհայտ է, այդ իսկ պատճառով օգոստոսի 22-ին նրա նկատմամբ հետախուզում է հայտարարվել: Դատարանը բավարարել է դատախազության միջնորդությունը և թույլատրել Շոյգուի ձերբակալությունը՝ նպատակ ունենալով ապահովել իր մասնակցությունը ձերբակալության հարցի քննարկմանը: