ԵՐԵՎԱՆ 12 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 464,42 դրամ ԱՐԾԱԹ - 257,92 դրամ ՊԼԱՏԻՆ - 13 624,56 դրամ

Համացանցը բաժանվել է երկու ճամբարի. Գրականության Նոբելյան մրցանակը շնորհվել է երգիչ Բոբ Դիլանին

onbreaking.com

Գրականության ոլորտում 2016 թվականի Նոբելյան մրցանակին արժանացել Է 75-ամյա ամերիկացի երաժիշտ և հեղինակ կատարող Բոբ Դիլանը:

Դիլանը պարգևին արժանացել Է «ամերիկյան երգի մեծ ավանդույթում պոետական կերպարների ստեղծման» համար:

Բանն այն է, որ նրա «Blowin' in the Wind» և «The Times They Are a-Changin'» երգերը ԱՄՆ–ում քաղաքացիական իրավունքների և հակառազմական շարժումների հիմներն են դարձել։

Մրցանակի հանձնման պատվավոր արարողությունը տեղի կունենա դեկտեմբերի 10-ին Ստոկհոլմում: Հիշեցնենք, որ այս տարի մրցանակի համար նախատեսված գումարը 8 միլիոն շվեդական կրոն է (923 հազար դոլար):

Նշենք նաև, որ 2008 թվականի ապրիլին Բոբ Դիլանն ստացել Է «Պուլիտցերյան մրցանակ»: Նա արժանացել Է նաև Պատվո լեգեոնի շքանշանի և Ազատության նախագահական մեդալի, որն ԱՄՆ-ի բարձրագույն քաղաքացիական պարգևներից մեկն Է։

Բացի այդ, 75-ամյա Դիլանը 9 անգամ արժանացել է «Գրեմմի»-ի, 2000 և 2001թթ. նրան «Օսկար» և «Ոսկե գլոբուս» է շնորհվել` «Վունդերքինդներ» ֆիլմի երաժշտության համար:

Ինչ վերաբերում է գրականության նոբելյան մրցանակին, ուշագրավ է, որ ֆավորիտները, բուքմեյքերների կարծիքով, եղել են ճապոնացի հայտնի գրող Հարուկի Մուրոկամին և քենիացի գրող Նոգի Վաթհիոնգոն: Բացառված չեն եղել նաև նորվեգացի դրամատուրգ Յուն Ֆոսսենի և ամերիկացի դասական Ֆիլիպ Ռոթի թեկնածությունները, սակայն Դիլանի հաղթանակը իրոք զարմացրել է շատ շատերին:

Սոցցանցերի օգտատերերի մի մասն այդ որոշմանը վերաբերվել են բացասաբար՝ նշելով, որ բացի Դիլանից, բազմաթիվ մարդիկ կան, որ արժանի են դրան: Ոմանք կարծիք են հայտնել, որ չպետք է գրական մրցանակ շնորհվի երգերի տեքստերի համար: 

Սակայն մենք զրուցեցինք ֆանտաստ գրող Վահե Ղուկասյանի հետ, ով ասաց, որ գրականության ու երգահանության կապն ամենևին էլ նոր չէ և լավ երաժշտության լավ տեքստը հավասարազոր է գրականությանը:

«Օրինակ, նույն Վիսոցկու ու Օկուջավայի երգերի տեքստը հրատարակվում է գրքերով ու պեոզիա է համարվում: Այդ առումով նորմալ եմ համարում, որ երգահանը գրական մրցանակ է ստանում», - բացատրեց մեր զրուցակիցը:

Ըստ Վահեի՝ կոնկրետ Դիլանն այնքան մեծ ժառանգություն ունի, որ դա պետք է որևէ կերպ արժևորվեր:Հատկապես այն պարագայում, որ վերջին տարվա նոբելյան մրցանակներն այսպես թե այնպես քաղաքական են եղել, Դիլանի մրցանակը կարելի է «ամենամաքուրներից» համարել:


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 33%
Քամի՝ 5 կմ/ժ
12 C°
 
  13° 
13.11.2019
  12° 
14.11.2019
Հարցում

Կո՞ղմ եք ՀՀ վարչապետի առաջարկած բանաձևին, ըստ որի՝ Ղարաբաղյան հակամարտության կարգավորման սցենարը պետք է ընդունելի լինի բոլոր երեք կողմերի համար։