Ազնավուրն ու Լեգրանը ելույթ կունենան «Ուրարտու» մրցանակաբաշխության ժամանակ

• 05.10.2017, 17:32
•  ԵԱՏՄ,  Աշխարհ,  Հայաստան,  No-politics

Instagramator

2017թ. նոյեմբեր 3-ին Կրեմլի պետական պալատում տեղի կունենա «Ուրարտու» ամենամյա ազգային երաժշտական մրցանակաբաշխությունը համաշխարհային աստղեր՝ Շառլ Ազնավուրի, Միշել Լեգրանի, Իոսիֆ Կոբզոնի, Ջիվան Գասպարյանի, Ժան Թաթլյանի, Մարիա Գուլեգինայի, Արտո Թունջբոյաջյանի, Ռուբեն Մաթեւոսյանի, Հովհաննես Չեքիջյանի, Վիլեն Գալստյանի, Ռոզի Արմենի, Ստաս Նամինի մասնակցությամբ: Այս մասին հայտնում է Կրեմլի պետական պալատի պաշտոնական կայքը։

Համերգին հանդես կգան նաև Հարութ Փամբուկչյանը, Շուշան Պետրոսյանը, Թաթա Սիմոնյանը, Նունե Եսայանը, Սիրուշոն, Արսեն Պետրոսովը, Արտաշ Ասատրյանը, Լիլիթ Հովհաննիսյանը, Ռազմիկ Ամյանը, Չառլի Արմսթրոնգը, Իգոր Սարուխանովը, Ալեքսանդր Սերովը, Մարտին Մկրտչյանը, Ն.Ս. Նադեժնիայի անվան «Բելյոզղկա» համույթը, Մ.Ե. Պյատնիցկու անվան երգչախումբն և այլ արտիստներ ու համույթներ։

Արարողության հյուրերի թիվը կհասնի հինգ հազարի։ Գաղափարի հեղինակները մտադիր են ամեն տարի հատուկ մրցանակով ընդգծել այն մարդկանց անունները, ովքեր ներդրում են ունեցել մշակույթի զարգացման գործում։