ԵՐԵՎԱՆ 26 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 27 885,82 դրամ ԱՐԾԱԹ - 284,72 դրամ ՊԼԱՏԻՆ - 12 898,69 դրամ

Արդյո՞ք կատալոնացիները կրկին իրենց ձայնը կտան անկախացման կողմնակիցներին

Foreign Policy

Կիրակի օրը՝ նոյեմբերի 12-ին, Իսպանիայի վարչապետ Մարիանո Ռախոյը սահմանադրության 155-րդ հոդվածը կիրառելուց հետո, երբ երկրամասը կորցրեց ինքնավարությունը և հայտնվեց Մադրիդի ուղղակի վերահսկողության տակ, առաջին անգամ  այցելել է Կատալոնիա:

Վարչապետի այցելության նպատակն, իհարկե, իր քաղաքական թիմին գալիք ընտրություններում աջակցություն ցուցաբերելն ու կատալոնացիներին «հանդարտեցնելն» է: Դա արտահայտվել է երկրամասի մայրաքաղաք Բարսելոնայում վերջինիս ելույթի ժամանակ. Ռախոյը աջակցություն է հայտնել իր կուսակցին՝ Կատալոնիայի խորհրդարանում «Ժողովրդական կուսակցություն» պահպանողական խմբակցության նախագահ Խավիեր Գարսիային: Ռախոյը նաև կոչ է արել երկրամասի «լռակյաց մեծամասնությանը» մասնակցել դեկտեմբերի 21-ին կայանալիք խորհրդարանական ընտրություններին, որպեսզի մարզում «վերականգնվի ժողովրդավարությունը» և «վերջ դրվի քաոսին»:

 Սակայն արդյո՞ք Կատալոնիայի «լռակյաց փոքրամասնությունը» հանդես չի գա ի պաշտպանություն երկրամասի անկախության: Բանն այն է, որ վարչապետի այցելության նախօրեին՝ շաբաթ օրը, Բարսելոնայի փողոցներում հարյուր հազարավոր մարդիկ բողոքի ակցիա են անցկացրել կատալոնացի քաղաքական գործիչների ձերբակալման դեմ՝ նրանց համարելով քաղբանտարկյալներ: «Ազատություն քաղբանտարկյալներին» կարգախոսով նրանք շրջել են քաղաքի փողոցներով՝ վերահաստատելով իրենց պատրաստակամությունը՝ շարունակելու պայքարը ինքնորոշման իրավունքի իրացման համար:  Խոսքը  Ձախ հանրապետական կուսակցության առաջնորդ, Կատալոնիայի կառավարության փոխնախագահ Ուրիոլ Ժունկերասի, ինչպես նաև այլ քաղաքական գործիչների ու ակտիվիստների մասին է: Բարսելոնայի քաղաքապետը, ով չի ցանկանում կորցնել իր պաշտոնը, քննադատել է անկախության կողմնակիցներին:

Կատալոնացիների պայքարի շարունակության մասին են վկայում նաև կատալոնականVanguardia թերթի՝ վերջերս կատարած հարցման արդյունքները, որոնց համաձայն՝ կանխատեսվում է, որ դեկտեմբերի 21-ի ընտրություններում Ձախ հանրապետականները, որ հանդես են գալիս երկրամասի անկախացման դիրքերից, կստանան ձայների մեծամասնությունը:

Այս ամենից կարելի է ենթադրել, որ Ռախոյի կողմից 155-րդ հոդվածի կիրառումը, կատալոնացիների հետ ուղղակի երկխոսության բացակայությունը, երկրամասի քաղաքական գործիչների ձերբակալություններն ավելի են սրել Բարսելոնա-Մադրիդ հարաբերությունները և թեժացրել նրանց միջև հակասությունները: Երկրամասի անկախության կողմնակիցները Ռախոյին համարում են իրենց համար մեկ թշնամին և պատրաստ չեն այլևս գնալ երկխոսության: Դեռ անկախության հանրաքվեից հետո Կատալոնիայի կառավարության ղեկավար Կառլես Պուչդեմոնը ցականում էր հասնել փոխզիջման Իսպանիայի իշխանությունների հետ, այդ պատճառով ձգձգում էր անկախության միակողմանի հռչակումը: Երբ դա հնարավոր չեղավ Պուչդեմոնն ի վերջո հռչակեց անկախություն, ինչի արդյունքում ստիպված եղավ հեռանալ պաշտոնից և լքել երկիրը: Սա, իհարկե, բացասաբար անդրադարձավ Մադրիդի նկատմամբ կատալոնացիների տրամադրվածության վրա:


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 46%
Քամի՝ 3 կմ/ժ
26 C°
 
18°  27° 
11.07.2020
18°  28° 
12.07.2020
Հարցում

Համարո՞ւմ եք արդյոք Գագիկ Ծառուկյանի դեմ իրականացվող գործողությունները քաղաքական հետապնդում: