ԵՐԵՎԱՆ 23 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 21 714,18 դրամ ԱՐԾԱԹ - 245,57 դրամ ՊԼԱՏԻՆ - 12 929,39 դրամ

ՀՀ ԱԳ նախարարի տեղակալը մասնակցեց «Մերձավոր Արևելքի աստղագիտական ժառանգությունը» խորագրով միջազգային գիտաժողովի բացմանը

Նոյեմբերի 13-ին ՀՀ ԱԳ նախարարի տեղակալ Աշոտ Հովակիմյանը ՀՀ Գիտությունների ազգային ակադեմիայում մասնակցեց «Մերձավոր Արևելքի աստղագիտական ժառանգությունը» խորագիրը կրող միջազգային գիտաժողովի բացմանը, որն անցկացվում է ՅՈՒՆԵՍԿՕ-ի Մասնակցության ծրագրի շրջանակներում, հայտնում է ԱԳՆ պաշտոնական կայքը:

Փոխնախարար Հովակիմյանը հանդես եկավ ողջույնի խոսքով, որտեղ, մասնավորապես նշեց, որ «Մերձավոր Արևելքի աստղագիտական ժառանգությունը»խորագիրը կրող այս գիտաժողովը, որը ՅՈՒՆԵՍԿՕ-ի Մասնակցության ծրագրի 2016-2017թթ. երկամյա շրջափուլի համար ներկայացվել էր «Հայկական աստղագիտական ընկերության» կողմից և ընտրվել Հայաստանի՝ ՅՈՒՆԵՍԿՕ-ի ազգային հանձնաժողովի կողմից, հրաշալի առիթ է մեկ անգամ ևս վերահաստատելու գիտության զարգացման հրամայականը, խրախուսելու երկրների միջև գիտական համագործակցությանը նպաստելու բոլոր ջանքերը:

Նա նաև ընդգծեց, որ Ազգային հանձնաժողովը, որը հանդիսանում է ՅՈՒՆԵՍԿՕ-ի հիմնական գործընկերը Հայաստանում, իրականացնում է բազմաթիվ և բազմաբնույթ գործառույթներ, այդ թվում, օգտագործելով ՅՈՒՆԵՍԿՕ-ի ընձեռած հնարավորությունները, նպաստում է հայ գիտության ու մշակույթի ձեռքբերումների մասին միջազգային հանրության իրազեկմանը:

Տեղեկանք: ՅՈՒՆԵՍԿՕ-ի Մասնակցության ծրագրի շրջանակներում Կազմակերպությունը երկամյա պարբերականությամբ ֆինանսական աջակցություն է տրամադրում անդամ պետությունների կողմից ներկայացված, Կազմակերպության առաջնահերթություններին և գերակայություններին համապատասխանող ծրագրային առաջարկներին:
 


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 60%
Քամի՝ 14 կմ/ժ
23 C°
 
23°  36° 
24.07.2019
23°  36° 
25.07.2019
Հարցում

Շոգ եղանակն ազդո՞ւմ է ձեր աշխատունակության վրա: