ԵՐԵՎԱՆ 10 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 19 146,92 դրամ ԱՐԾԱԹ - 229,55 դրամ ՊԼԱՏԻՆ - 13 099,62 դրամ

Բաց դաս ՀՀ Ազգային ժողովում

ՀՀ ԱԺ «Բաց դռներ» ծրագրի շրջանակում նոյեմբերի 14-ին խորհրդարան են այցելել Երևանի պետական հումանիտար-տեխնիկական քոլեջի դասախոսները և ուսանողները, հայտնում է ԱԺ պաշտոնական կայքը:

Հյուրերը շրջել են խորհրդարանի շենքում, հետևել նիստերի աշխատանքին: Արդեն ավանդական դարձած բաց դասը վարել է ՀՀ ԱԺ փոխնախագահ Էդուարդ Շարմազանովը:

Ողջունելով հյուրերին Ազգային ժողովում՝ ԱԺ փոխնախագահը ներկայացրել է օրենսդիր իշխանության կազմավորման կարգը, նրա գործունեությունը, անդրադարձել երկրի տնտեսական խնդիրներին: Էդուարդ Շարմազանովը կարևորել է երիտասարդության մասնակցությունը պետության հասարակական և քաղաքական կյանքին և ուսանողներին խորհուրդ տվել լավ սովորել, ձգտել դառնալ արհեստավարժ մասնագետներ:

ՀՀ ԱԺ փոխնախագահը պատասխանել է ուսանողների հարցերին, որոնք վերաբերել են տնտեսական աճին, ՀՀ պետական պարտքին, արցախյան հիմնախնդրին, արտագաղթին, ազգային ինքնության պահպանմանը: ԱԺ փոխնախագահը հորդորել է երիտասարդներին չհեռանալ հայկական արմատներից, գիտելիքները ծառայեցնել հայրենիքի շենացմանը: «Դուք երջանիկ սերունդ եք, որովհետև ապրում եք անկախ Հայաստանի Հանրապետությունում»,- խոսքն ամփոփել է ՀՀ ԱԺ փոխնախագահը:

Բաց դասն ամփոփվել է ավանդական լուսանկարով:


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 56%
Քամի՝ 11.27 կմ/ժ
10 C°
 
11°  22° 
20.10.2018
12°  21° 
21.10.2018
Հարցում

Սպասու՞մ եք արդյոք ղարաբաղյան բանակցությունների վերսկսման՝ Փաշինյան-Ալիև ձևաչափով