ԵՐԵՎԱՆ
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 27 130,9 դրամ ԱՐԾԱԹ - 356,35 դրամ ՊԼԱՏԻՆ - 15 945,36 դրամ

Պուտինի մերձավորարևելյան «բլից» շրջագայության հիմնական արդյունքները

Алексей Дружинин/РИА Новости

Նախօրեին Ռուսաստանի նախագահ Վլադիմիր Պուտինը մերձավորարևելյան «բլից» շրջագայություն ունեցավ, որի շրջանակներում այցելել նախ Սիրիա, ապա՝ Եգիպտոս և Թուրքիա:

Սիրիա այցի շրջանակներում ՌԴ նախագահն այցելել է Հմեյմիմի ռուսական ավիաբազա, որտեղ հայտարարել է Սիրիայից ռուսական զորախմբի զգալի մասի դուրսբերման մեկնարկի մասին:

Բացի այդ, Պուտինը Հմեյմիմում հանդիպում ունեցավ նաև Սիրիայի նախագահ Բաշար Ասադի հետ: Ինչպես փոխանցում է Կրեմլի մամուլի ծառայությունը, հանդիպման ընթացքում Պուտինը հույս է հայտնել, որ Ռուսաստանին կհաջողվի Թուրքիայի և Իրանի հետ Սիրիայում հարթել խաղաղ կյանքը և քաղաքական գործընթացը: «Ես մեծ հույսեր ունեմ, որ մեզ Իրանի և Թուրքիայի հետ, որոնք աջակցում են ահաբեկչությունն արմատախիլ անելուն, կհաջողվի խաղաղ կյանք և քաղաքական գործընթաց սկսել Սիրիայում: Կարևոր է նախապատրաստել Սիրիայի ժողովուրդների կոնգրես, սկսել քաղաքական կարգավորման գործընթացը», - նշել է Պուտինն Ասադի հետ հանդիպման ժամանակ:

Եգիպտոս աշխատանքային այցի ժամանակ Պուտինը հանդիպում է ունեցել Եգիպտոսի նախագահ Աբդել Ֆաթթահ աս Սիսիի հետ: Կողմերը քննարկել են ինչպես երկկողմ հարաբերությունները, այնպես էլ Մերձավոր Արևելքում և Հյուսիսային Աֆրիկայում կայունության և անվտանգության ապահովմանն առնչվող հարցեր: Հանդիպման արդյունքում, ռուսական կողմը հայտարարել է դեպի Կահիրե թռիչքները վերականգնելու պատրաստակամության մասին, պայմանագիր է կնքվել Ռոսատոմի մասնակցությամբ Էդ-Դաբաաում ատոմակայան կառուցելու մասին: Հանդիպման ժամանակ կողմերը գոհունակություն են հայտնել Սիրիայում ահաբեկչության դեմ պայքարում արդյունքներից: Բնականաբար, անդրադարձ է եղել նաև Երուսաղեմի հարցին: Կահիրեում Պուտինն առաջին անգամ մեկնաբանել է Երուսաղեմն Իսրայելի մայրաքաղաք ճանաչելու Թրամփի որոշումը: «Անհրաժեշտ են երկարաժակետ և արդար պայմանավորվածություններ, որոնք կհամապատասխանեն երկու կողմի շահերին: Եվ այդ պայմանավորվածություններն, իհարկե, պետք է համապատասխանեն միջազգային հանրության կողմից նախկինում ընդունված որոշումներին: Ռուսաստանն ամբողջությամբ աջակցում է այդ հարցով ՄԱԿ-ի ԱԽ կողմից նախկինում ընդունված որոշումներին: Պաղեստինցիների և իսրայելցիների միջև երկխոսության ելքը կանխորոշող ցանկացած քայլ համարում ենք անարդյունավետ: Կարծում ենք, որ նման քայլերն ապակայունացնող են», - ասել է Պուտինը:

Պուտինի մերձավորարևելյան շրջագայության վերջին կանգառն, ինչպես նշեցինք, Թուրքիան էր: Անկարայում Էրդողանի հետ հանդիպման ժամանակ քննարկվել են երկկողմ առևտրա-տնտեսական հարաբերությունների զարգացմանն, Ակկույու ատոմակայանի շինարարությանն առնչվող հարցեր: Նշվում է, որ կողմերը վերջնական համաձայնության են եկել ռուսական С-400 համակարգերի ձեռքբերման հարցում: Կողմերն անդրադարձել են Երուսաղեմի հարցին: Բնականաբար Էրդողան-Պուտին բանակցություններում կենտրոնական է եղել սիրիական հակամարտության՝ մասնավորապես քաղաքական կարգավորմանն առնչվող հարցերի քննարկումը, որոնց շուրջ կողմերը որոշակի պայմանավորվածություններ են ձեռք բերել դեռ Սոչիում՝ Պուտին-Էրդողան-Ռոհանի հանդիպման ժամանակ:

Ամփոփելով նշենք, որ Պուտինի մերձավորարևելյան այս բլից շրջագայության հիմնական թեման սիրիական հակամարտության քաղաքական կարգավորումն էր, որն այժմ Մոսկվայի արտաքին քաղաքականության գլխավոր խնդիրներից էր:

Մյուս հիմնական թեման Երուսաղեմի հարցի քննարկումն էր: ԱՄՆ-ի կողմից Երուսաղեմն Իսրայելի մայրաքաղաք ճանաչելուց հետո մուսուլմանական շատ երկրներ ակնկալում են Ռուսաստանի կողմից այս ուղղությամբ որոշակի քայլեր՝ ավելին, քան՝ Թրամփի որոշման ուղղակի քննադատությունը: Այսպիսով, կարելի է եզրակացնել, որ Ռուսաստանը Սիրիայում իր հաղթանակների շնորհիվ բավականին ամրապնդել է իր ազդեցությունը Մերձավոր Արևելքում:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ %
Քամի՝ կմ/ժ
0 C°
 
16°  27° 
25.10.2021
17°  30° 
26.10.2021
Հարցում

Ի՞նչ եք կարծում, կխորանա՞ արդյոք Իրանի և Ադրբեջանի միջև լարվածությունը: