ԵՐԵՎԱՆ 3 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 464,42 դրամ ԱՐԾԱԹ - 257,92 դրամ ՊԼԱՏԻՆ - 13 624,56 դրամ

Ի՞նչ իրադարձություններ են սպասվում աշխարհում 2018 թվականին

Տարեվերջն առիթ է ոչ միայն անցնող տարին ամփոփելու, այլ նաև գալիք տարվա համար պլաններ կազմելու և ակնկալիքներ սահմանելու համար: «Արմեդիա» ՏՎԳ-ն ներկայացնում է, թե ինչ կարևոր իրադարձություններ են սպասվում աշխարհում 2018 թվականին:

Այսպես, ինչպես 2017 թվականին, 2018-ին ևս ակնկալվում են միջազգային հարաբերությունների կամ առնվազն տարածաշրջանային զարգացումների համար կարևոր խորհրդարանական և նախագահական ընտրությունները: Մասնավորապես, 2018 թվականին սպասվում են խորհրդարանական ընտրություններ Լիբանանում, Հունգարիայում և Մոլդովայում: Նախագահական ընտրություններ են սպասվում Ադրբեջանում, Վրաստանում և Ռուսաստանում: Վերջինիս արդյունքները թեև վերլուծաբանների համար բավականին կանխատեսել են, սակայն մարտի 18-ին Ռուսաստանում կայանալիք ընտրություններն այս պահին գալիք տարում համաշխարհային քաղաքականության ամենանշանակալից իրադարձությունն է:

Նշենք, որ 2018 թվականն որոշիչ է լինելու նաև Հայաստանի քաղաքական կյանքի համար: 2018 թվականի գարնանը նախագահի լիազորությունների ավարտվելուց հետո Հայաստանն ամբողջությամբ կանցնի կառավարման խորհրդարանական ձևի. երկիրը ղեկավարվելու է վարչապետի կողմից, իսկ թե ով կլինի վարչապետ, դեռևս հստակ չէ:

2018-ի մյուս կարևոր իրադարձությունը Հայաստանի և աշխահի համար՝ Երևանում անցկացվելի Ֆրանկոֆոնիայի կազմակերպության 27-րդ գագաթաժողովն է:

Գալիք տարին բավականին հարուստ է լինելու մարզական իրադարձություններով: 2018 թվականի փետրվարի 5-25-ը Հարավային Կորեայի Փհենչհան քաղաքում կկայանան 23-րդ ձմեռային օլիմպիական խաղերը: Այս խաղերն արդեն առանձնացել են նախորդներից նրանով, որ միջազգային օլիմպիական կոմիտեն խաղերին մասնակցության իրավունքից զրկել է Ռուսաստանի հավաքականին:

Մյուս կարևոր մարզական իրադարձությունը Ֆուտբոլի աշխարհի 21-րդ առաջնությունն է, որ կկայանա հունիսի 14-ից հուլիսի 15-ը Ռուսաստանում:

2018 թվականի մարզական հիշարժան իրադարձություններից են նաև 12-րդ Պարօլիմպիկ ձմեռային խաղերը, Ասիական ամառային խաղերը, 3-րդ պատանեկան օլիմպիական խաղերը և Շախմատի համաշխարհային օլիմպիադան:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 63%
Քամի՝ 4 կմ/ժ
3 C°
 
  12° 
15.11.2019
  10° 
16.11.2019
Հարցում

Կո՞ղմ եք ՀՀ վարչապետի առաջարկած բանաձևին, ըստ որի՝ Ղարաբաղյան հակամարտության կարգավորման սցենարը պետք է ընդունելի լինի բոլոր երեք կողմերի համար։