Ձեռք բերված հաջողություններով պետք չէ բավարարվել. Հայաստանում ԵՄ պատվիրակության ղեկավար

• 18.12.2017, 12:48
•  Եվրոպա,  Հայաստան

Panorama.am

Դեկտեմբերի 18-ին «Քաղաքացիական հասարակության դերը Հայաստանում պետական քաղաքականության օրակարգի ձևավորման և հաշվետու կառավարումը ապահովելու գործում» հասարակական քննարկման ժամանակ  Հայաստանում ԵՄ պատվիրակության ղեկավար, դեսպան Պյոտր Սվիտալսկին հայտարարել է, որ քաղաքացիական հասարակության դերը Հայաստանում պետք է ընդլայնվի, փոխանցում է NEWS.am-ը:

ԵՄ պատվիրակության ղեկավարը կարծում է, որ դա պետք է արվի հանրապետությունում սոցիալական ձեռնարկատիրության զարգացման միջոցով: «Պետք է նշել, որ մենք մեր գործընկերների հետ մեծ հաջողություններ ենք արձանագրել, և դա մեզ համար չափազանց կարևոր է», - ասել է եվրոպացի պաշտոնյան՝ հավելելով, որ ձեռք բերված հաջողություններով պետք չէ բավարարվել:

Ինչպես շեշտեց Սվիտալսկին, պետք է աշխատել համագործակցության միջոցով ավելի շոշափելի հաջողությունների հասնելու համար, և, առաջին հերթին, առկա խնդիրների արագ լուծման համար այդ համագործակցությունը պետք է զարգանա Հայաստանի կառավարության հետ միասին: