Հայ-թուրքական արձանագրությունները չեղյալ հայտարարվեցին. «Երկիր Մեդիա»

• 01.03.2018, 16:56
•  Տարածաշրջան,  Աշխարհ,  Հայաստան

Րոպեներ առաջ չեղյալ հայտարարվեցին հայ-թուրքական արձանագրությունները, որոնց նախաստորագրումը տեղի էր ունեցել 2009 թ. հոկտեմբերի 10-ին։ Քիչ առաջ Հայաստանի նախագահական նստավայրում կայացած Ազգային անվտանգության խորհրդի նիստում արձանագրությունները չեղարկելու մասին հայտարարեց ՀՀ նախագահ Սերժ Սարգսյանը։

Այդ մասին տեղեկությունը հաստատել է նախագահի մամուլի քարտուղար Վլադիմիր Հակոբյանը՝ «Երկիր Մեդիա»-ի հարցմանն ի պատասխան՝ խոստանալով մանրամասներ ներկայացնել ավելի ուշ։

Հիշեցնենք, որ 2009-ի հոկտեմբերի 10-ին Ցյուրիխում ստորագրված արձանագրությունները պետք է վավերացվեին 2 երկրների խորհրդարանների կողմից, համաձայն փաստաթղթի՝ «ողջամիտ ժամկետներում»։ Սակայն Թուրքիան տևական ժամանակ երկարաձգում էր վավերացման ժամկետները, դեռ ավելին՝ պարբերաբար նախապայմաններ առաջ քաշում։ Արդյունքում՝ ՀՀ նախագահը խորհրդարանից ետ կանչեց արձանագրությունները, սակայն մինչև 2018 թվականի մարտի 1-ը թողել էր Հայաստանի ստորագրությունը փաստաթղթի տակ։