ԵՐԵՎԱՆ 16 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 859,46 դրամ ԱՐԾԱԹ - 267,24 դրամ ՊԼԱՏԻՆ - 13 568,81 դրամ

«Իմ աշխարհը» ցուցահանդես՝ Մարտիրոս Սարյանի տուն-թանգարանում

«Սարյան» արվեստի ստուդիայի սաների «Իմ աշխարհը» ցուցահանդեսը կբացվի մարտի 10-ին, ժամը 14:00-ին Մարտիրոս Սարյանի տուն-թանգարանում, հայտնում է Մշակույթի նախարարության ֆեյսբուքյան էջը:

Ցուցահանդեսի շրջանակներում կներկայացվեն ստուդիայի սաների աշխատանքները: Միջոցառման ժամանակ նախատեսվում է նաև, որ ստուդիայի դասավանդողները կներկայացնեն իրենց հաշվետվությունն անցած և սպասվող նոր ծրագրերի վերաբերյալ, ինչպես նաև տեղի կունենա «Մարտիրոս Սարյան» փաստավավերագրական ֆիլմի դիտում (ֆիլմը նկարահանվել է 1965 թվականին, «Հայֆիլմ» կինոստուդիայում, ռեժիսոր՝ Լ. Վաղարշյան, տեքստի հեղինակ՝ Ի. Էրենբուրգ, երաժշտության հեղինակ՝ Ղ. Սարյան)։ Ապա տեղի կունենա սաների պատվոգրերի հանձնման արարողությունը:

Ցուցահանդեսը կգործի մինչև ապրիլի 7-ը: Մուտքն ազատ է:

«Սարյան» արվեստի ստուդիան հիմնադրվել է 2016 թվականի նոյեմբերին, թանգարանի գիտակրթական ծրագրերի շրջանակում (հեղինակ-հիմնադիր՝ Ժաննա Մանուկյան): Այն արվեստի եզակի կենտրոն է, որը գործում է թանգարանի ներսում՝ ինտերակտիվ, կրթաճանաչողական և ժամանցային մեթոդներով դասընթացներ կազմակերպելով:

Ստուդիայում կարող են ուսանել 5 տարեկանից բարձր բոլոր ցանկացողները:

Դասավանդման հիմնական ուղղություններն են՝ նկարչություն, արվեստի պատմություն, գոբելեն: Դասընթացները բաղկացած են տեսական և գործնական պարապմունքներից, որոնց շրջանակներում կազմակերպվում են այցեր տարաբնույթ թանգարաններ, արվեստի կենտրոններ, ժամանակակից նկարիչների և քանդակագործների արվեստանոցներ, հուշարձաններ և այլն:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 48%
Քամի՝ 6 կմ/ժ
16 C°
 
12°  21° 
20.10.2019
12°  18° 
21.10.2019
Հարցում

Կարևո՞ր եք համարում Երևանում WCIT-2019-ի անցկացումը: