Ամբողջ աշխարհի հայերը քոչարի կպարեն

• 13.03.2018, 20:01
•  Հայաստան,  Սփյուռք

Армстайл

Գրենոբլի հայկական համայնքի ներկայացուցիչները Հայաստանի առաջին հանրապետության ստեղծման 100-ամյակի և Երևանի հիմնադրման 2800-ամյակի նախաշեմին` մայիսի 26-ին, աշխարհի տարբեր ծայրերում  ֆլեշմոբ անցկացնելու նախաձեռնությամբ են ներկայացել։ Այս մասին հայտնել է Գրենոբլի մշակույթի տան ադմինիստրատիվ վարչության անդամ Սիրանուշ Խաչատրյանը։

Ֆլեշմոբի ժամանակ նախատեսվում է քոչարի պարել։ Նախաձեռնության մասին նախօրեին տեղեկություն է հրապարակվել միջոցառման ֆեյսբուքյան Արի պարի քոչարի պաշտոնական էջում, հաղորդում է Սպուտնիկ Արմենիան։ 

Կազմակերպիչները հույս ունեն, որ իրենց նախաձեռնությանը կաջակցեն աշխարհի տարբեր երկրներում բնակվող հայերը։ Կազմակերպիչների մտահղացման համաձայն` մայիսի 26-ին հայերն իրենց բնակության քաղաքում պետք է քոչարի պարեն, տեսանկարահանեն պարն ու ուղարկեն իրենց։ Ավելի ուշ տեսանյութը կհրապարակվի ֆլեշմոբի ֆեյսբուքյան պաշտոնական էջում։