ԵՐԵՎԱՆ 28 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 18 641,16 դրամ ԱՐԾԱԹ - 235,82 դրամ ՊԼԱՏԻՆ - 12 641,24 դրամ

Կատալոնիան ընտրեց նոր ղեկավարի. կփոխի՞ ինքնավարության անկախանալու կուրսը

© REUTERS / Albert Gea

Արտահերթ խորհրդարանական ընտրություներից մոտ 5 ամիս անց Կատալոնիայի խորհրդարանին հաջողվեց տարածաշրջանի կառավարության ղեկավարի պաշտոնում ընտրել  «Միասին հանուն Կատալոնիայի» կուսակցության ներկայացուցիչ 55-ամյա Կիմ Տորային: Նրա թեկնածությունը մայիսի 14-ին կայացած քվեարկության երկրոդ փուլի ժամանակ հաստատվեց խորհրդարանի պարզ մեծամասնության կողմից՝ կողմ քվեարկել է 66, դեմ՝ 65 պատգամավոր: Սակայն պետք է նկատել, որ Տորան իրեն համարում է տարածաշրջանի ղեկավարի ժամանակավոր պաշտոնակատար և համարում է, որ Կատալոնիայի լեգիտիմ ղեկավարը Կառլես Պուչդեմոնն է, ով այժմ սպասում է գերմանական դատարանի որոշմանն իրեն Իսպանիային արտահանձնելու մասին:

Խորհրդարանում իր ծրագրային ելույթի ժամանակ Տորան կոչ է արել իրականացնել «հոկտեմբերի 1-ի մանդատը» և ստեղծել «Հանրապետություն բոլորի համար»: Նա նաև առաջարկել է ստեղծել վտարանդի կառավարություն՝ Հանրապետության խորհուրդ, իսկ  Կատալոնիայում առաջարկել է ստեղծել խորհրդարանին զուգահեռ մարմին՝ Ընտրված ներկայացուցիչների ասամբլեա: Չնայած իր ծրագրային ելույթում Տորան բավականին մեծ անդրադարձ է ունեցել նաև տարածաշրջանի սոցիալ-տնտեսական խնդիրներին՝ իսպանամետ ուժերը և մասնավորապես կատալոնական խորհրդարանի ամենամեծ խմբակցությունը «Քաղաքացիներ» կուսակցությունից, Տորայի ելույթը որակել են որպես ծայրահեղ ազգայնական: Այս կապակցությամբ Իսպանիայի վարչապետ Մարիանո Ռախոյը բոլորին հանդարտության կոչ է արել և խոստացել, որ սահմանադրությունը և մնացած օրենսդրական ակտերը կիրականացվեն:

Այսպիսով, ամենայն հավանականությամբ, կատալոնական ճգնաժամն առաջիկա ամիսներին դժվար թե հնարավոր լինի հարթել. ակնհայտորեն նոր իշխանությունները շարունակելու են նախորդների՝ անկախ պետություն ստեղծելու գործը, իսկ Մադրիդը շարունակելու է բոլոր հնարավոր միջոցներով ընդդիմանալ:

Հիշեցնենք, որ Տորայի նախորդը՝ Կառլես Պուչդեմենը, Կատալոնիայի կառավարության ղեկավարի պաշտոնից Մադրիդի կողմից հեռացվել էր 2017 թվականի հոկտեմբերի 1-ին ակցկացված անկախության հանրաքվեից հետո, որ Մադրիդը համարում է անօրինական:

այլ նյութեր այս թեմայով


Եղանակ
Երևան
Արևոտ
Խոնավություն՝ 36%
Քամի՝ 17.70 կմ/ժ
28 C°
 
17°  31° 
16.08.2018
20°  34° 
17.08.2018
Հարցում

Կազդե՞ն Խաչատուրովի շուրջ վերջին զարգացումները ՀԱՊԿ անդամ երկրների հետ Հայաստանի հարաբերությունների վրա: