Աննա Հակոբյանը խոստացել է ոչ ոքի աշխատանքի չընդունել «ծանոթով»

• 12.07.2018, 21:56
•  Հայաստան

SHANTNEWS.am

ՀՀ վարչապետ Նիկոլ Փաշինյանի տիկին Աննա Հակոբյանը խոստացել է, որ ոչ ոքի աշխատանքի չի ընդունի «ծանոթով», հաղորդում է News.am-ը: 

Բյուրականում «Իմ քայլը» հիմնադրամի մեկնարկի ժամանակ Աննա Հակոբյանը խոստովանել է, որ Նիկոլ Փաշինյանի՝ վարչապետ նշանակվելուց հետո իրեն շատ են դիմում այս կան այն մարդուն գործի տեղավորելու, այս կամ այն հարցը լուծելու առնչությամբ (կապված,օրինակ, ինչ-որ թատրոնում գեղարվեստական ղեկավար նշանակելու հետ)։

Հակոբյանը նշել է, որ այդպիսի հարցերում միջնորդի դեր չի ստանձնի, և խորդուրդ  է տվել իրենից հովանավորչություն չսպասել՝ անկախ այն բանից, թե ում հետ քանի անգամ է սուրճ խմել։ Միաժամանակ, նա հավելել է, որ ֆավորիտներ չունի ոչ թատրոնի ոլորտում, ոչ երաժշտության ոլորտում և ոչ ոքի չի պլանավորում առաջ մղել։