ԵՐԵՎԱՆ 14 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 18,664.15 դրամ ԱՐԾԱԹ - 220.02 դրամ ՊԼԱՏԻՆ - 12,672.33 դրամ

Ինչպես են ադրբեջանական կրակոցները սարսափահար արել տավուշցի երեխաներին (տեսանյութ)

Facebook սոցիալական ցանցի օգտատեր Հովիկ Գյոզալյանը տեսանյութ է հրապարակել, որտեղ երևում է, թե ինչպես են սահմանամերձ գյուղում, իրենց տան բակում ուրախ պարող երեխաները սարսափահար փախչում ադրբեջանական կողմից հնչող կրակոցներից։ Մեկնաբանելով հրապարակած տեսանյութը` Հովիկ Գյոզալյանը Sputnik Արմենիային հայտնել է, որ այն նկարահանվել է երեկ` սեպտեմբերի 11-ին, ՀՀ Տավուշի մարզի Վազաշեն գյուղում։

«Երեխաների պարը նկարելու ժամանակ սկսեցին կրակել։ Նրանց վախն աննկարագրելի էր։ Մենք` մեծերս, հասկանում ենք, որ սահման է, ու կրակոցներն անսպասելի կարող են լինել, բայց երեխաներն ուղղակի վախից դողդողալով ճչում էին»,- ասել է մեր զրուցակիցը։

Վազաշենի գյուղապետ Լորիկ Բադիրյանը ևս Sputnik Արմենիայի հետ զրույցում հաստատել է, որ գյուղի ուղղությամբ վերջին օրերին կրակոցներ են հնչել։

«Ես էլ եմ շատ լավ լսել կրակոցները, բայց երեխաների վրա չեն կրակել։ Ամբողջ գյուղում երեխաներ են։ Որ ուղղությամբ էլ կրակեն, բնականաբար, մի երեխա կվախենա»,- ասել է գյուղապետը։

Իսկ կրակոցները, Բադիրյանի խոսքով, գյուղում պարբերական բնույթ են կրում և ամեն անգամ շուրջ 5 րոպե տևում։

«Մենք գուցե մի փոքր ավելի պասիվ ենք ինֆորմացնելու առումով, Բերդի տարածաշրջանն ավելի ակտիվ է, բայց նույն չափով մեզ մոտ էլ են կրակում։ Պարզապես մենք շատ չենք ուզում նեղություն տալ։ Դե որ սահմանում ենք, սահմանում ենք»,- ասել է գյուղապետը։





Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ 70%
Քամի՝ 11.27 կմ/ժ
14 C°
 
15°  24° 
22.09.2018
14°  25° 
23.09.2018
Հարցում

Ձեր կարծիքով՝ Ադրբեջանը կդառնա՞ ՀԱՊԿ անդամ: