ԵՐԵՎԱՆ 23 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 27 522,8 դրամ ԱՐԾԱԹ - 283,15 դրամ ՊԼԱՏԻՆ - 12 789,74 դրամ

Հայաստանի Եվրոպական կուսակցությունը լինելու է ընդդիմություն

«Իմ տպավորությամբ՝ առնվազն 50.000-100.000 հայ առանց որևէ տատանումների համոզված է, որ ՀՀ-ն պետք է լինի եվրոպական պետություն և եվրոպական ընտանիքում», - մամուլի ասուլիսի ժամանակ հայտարարեց նորաստեղծ Հայաստանի Եվրոպական կուսակցության նախաձեռնող խմբի անդամ, կինոռեժիսոր Տիգրան Խզմալյանը: Նա նշեց՝ իրենց կուսակցությունն ընդգծված եվրոպական է և մանրամասնեց. «Մենք համարում ենք՝ ՀՀ-ն արդեն 98 տարի զավթված, օկուպացված է, և մեր բոլոր քաղաքական, տնտեսական, մշակութային, քաղաքակրթական խնդիրների առանցքը հենց դա է: Օկուպացման պայմաններում մենք լուրջ չենք ընդունում որևէ բարեփոխում՝ կոռուպցիայի դեմ պայքար, դատական, իրավական, տնտեսական բարեփոխման փորձերը, քանի որ դրանք չեն պատասխանում միակ կարևորագույն հարցին», - գրում է "Առավոտը":

Ըստ Տիգրան Խզմալյանի՝ մեր երկիրը ոչ թե պետք է հերթական անգամ ցնորքներով առաջնորդվի, որ մենք կարող ենք ապրել, զարգանալ վակուումի մեջ, այլ մենք վստահ ենք, որ ՀՀ-ն եվրոպական պետություն է, որ մշակութային, քաղաքակրթական առումով մենք ոչ միայն եվրոպական ենք, այլև առանցքային մշակույթ ենք Եվրոպայի համար»: Տիգրան Խզմալյանն ասաց՝ իրենք ապագայի կուսակցություն են, համարում են, որ իրենց սերունդը պարտավոր է կառուցել այն տապանը, որում փրկվելու է մեր երիտասարդությունը: Տիգրան Խզմալյանը մտահոգություն հայտնեց, թե հիմա էլ Հայաստանում տեղի են ունենում իրադարձություններ, որոնք չեն բխում եվրոպական սկզբունքներից և գաղափարներից. «Հայաստանում հենց հիմա նշանակվում են մարզպետներ, և դա մեզ բոլորիս հայտնի անհանգստությունն է: Մենք կարող ենք Եվրոպայի մաս լինելով՝ անել այն, ինչ համարում ենք ճիշտ, բայց մենք անցնում ենք սահմանները»:

«Իհարկե, լինելու ենք ընդդիմություն, քանի որ այն հարցերը, որ կարծում ենք այսօր քաղաքական օրակարգի առաջնահերթություններ պիտի լինեն, ցավոք, առաջնահերթություններ չեն: Բայց, անշուշտ, փորձելու ենք ինչ-որ ձևաչափով մասնակցել ընտրություններին: Աչքակապություն է հայտարարել, որ ԵԱՏՄ-ի նման կոռումպացված համակարգի մի առանձին հատվածում կարելի է պայքարել և հաղթել կոռուպցիան, կարելի է ավտորիտար համակարգի առանձին հատվածում ստեղծել ժողովրդավարության կղզյակ», - ասել է Խզմալյանը


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 48%
Քամի՝ 12 կմ/ժ
23 C°
 
20°  31° 
05.07.2020
19°  32° 
06.07.2020
Հարցում

Համարո՞ւմ եք արդյոք Գագիկ Ծառուկյանի դեմ իրականացվող գործողությունները քաղաքական հետապնդում: