ԵՐԵՎԱՆ 23 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 21 462,94 դրամ ԱՐԾԱԹ - 234,88 դրամ ՊԼԱՏԻՆ - 12 335,64 դրամ

Արևելյան հորոսկոպ. ինչպիսի՞ն կլինի Դեղին Խոզի տարին հորոսկոպի տարբեր նշանների համար

2019-ը լինելու է Դեղին Հողե Խոզի տարի: Չինական հորոսկոպով Խոզի տարին սկսվելու է 2019 թվականի փետրվարի 5-ին և ավարտվելու է 2020 թվականի հունվարի 24-ին։ Դեղին Հողե Խոզը խոստանում է բերել ֆինանսական հաջողություն, առատություն ու կայունություն։

Արևելյան հորոսկոպը ցանկությունների իրականացման տարի է խոստանում բոլոր նրանց, ովքեր կաշխատեն, տարբեր նախաձեռնություններով հանդես կգան ու կձգտեն իրականացնել այդ ցանկությունները. Դեղին Խոզը կաջակցի միայն նրանց: Ստորև ներկայացնում ենք , թե ինչ է կանխատեսում Արևելյան հորոսկոպը տարբեր նշանների համար.

Առնետ

2019-ը սիրո ու ռոմանտիկայի տարի կլինի Առնետի տարում ծնվածների համար: Այս նշանի տակ ծնվածները Խոզի տարում անպայման կհանդիպեն իրենց երկրորդ կեսին, կամուսնանան: Իսկ բոլոր նրանք, ովքեր արդեն հասցրել են ընտանիք կազմել, 2019-ին «երկրորդ մեղրամիս» կապրեն:

Առնետի տարում ծնվածների համար հնարավոր են դժվարություններ ֆինանսական հարցերում: Նրանք ընկճախտի մեջ ընկնելու ռիսկային խմբում են:

Ցուլ

Սեփական էմոցիաները կառավարել կարողացող ցուլերը 2019-ին միայն կշահեն. նրանց սպասվում են հաջողություններ աշխատանքում, նոր բիզնես նախագծեր ու եկամուտի նոր աղբյուրներ:  

Արևելյան հորոսկոպը հորդորում է ցուլերին 2019-ին ավելի ուշադիր լինել առողջությանը վերաբերող հարցերում: Ինքնաբուժությունը կարող է լուրջ վնաս հասցնել և բարդացնել իրավիճակը:

Վագր

Վագրի նշանի տակ ծնվածների համար 2019-ը խոստանում է լինել նոր ձեռքբերումների տարի թե՛ աշխատանքում, թե՛ անձնական կյանքում: Շատերը կհանդիպեն իրենց երկրորդ կեսին, գուցե հասցնեն նաև ընտանիք կազմել ու երեխա ունենալ:

Գործնական հարաբերություններում վագրերին անակնկալ հաջողություն է սպասվում: Ճամփորդությունները ևս ամբողջ տարի կուղեկցեն վագրերին:

Ճագար

Ճագարի տարում ծնվածները կարող են հանգիստ լինել. 2019-ի հովանավոր Դեղին Խոզը ամեն հարցում կաջակցի նրանց: Տարին բարենպաստ կլինի ֆինանսական հարցերում, իսկ ընտանիքում կշարունակի տիրել սերն ու ջերմությունը: Միակ խնդիրը կարող է լինել ճագարների առողջությունը, ուստի այս հարցում խորհուրդ է տրվում առավելագույն ուշադրություն դրսևորել:

Վիշապ

Երջանկություն ու բարեկեցություն. ահա այն ամենը, ինչ սպասում է վիշապին 2019-ին: Տարին բարենպաստ է նոր աշխատանք գտնելու, սեփական բիզնեսը սկսելու և սիրահարվելու համար: Ջանք չխնայող Վիշապի ֆինանսական կայունությունը երաշխավորվում է: Այստեղ գործի կեսը ռիսկն է, վստահ առաջ շարժվեք:

Օձ

Արևելյան հորոսկոպը Օձի նշանի տակ ծնվածներին խոստանում է ընտանեկան համալրում՝ նոր բալիկ ծնունդով: Այս առումով գուցե Օձերը որոշակի ֆինանսական դժվարություններ ունենան, սակայն ամեն ինչ կկայունանա արդեն աշնանը:

Օձերին խորհուրդ է տրվում 2019-ին ավելի շատ ժամանակ հատկացնել իրենց ու ընտանիքին: Արտաքին տեսքը և հոգեկան կայունությունը Օձերի հաջողությունների երաշխիքն են:

Ձի

2019-ը Ձիերին խոստանում է նոր պաշտոն ու բարձր վարձատրությունը: Տարին նպաստավոր է մասնագիտական աճ գրանցելու, նոր հմտություններով փայլելու տեսանկյունից: Սակայն, ոգևորված հաջողություններով, չի կարելի մոռանալ ընտանիքի, հարազատների ու սեփական առողջության մասին:

Այծ

Այծի նշանի տակ ծնված մարդկանց անձնական կյանքում 2019-ին էական փոփոխություններ չեն լինի: Կարևոր է պահպանել այն հարաբերությունները, որոնք արդեն գոյություն ունեն: Փոխարենը անակնկալ հաջողություններ են սպասվում մասնագիտական կյանքում: Հնարավոր է պաշտոնի բարելավում և աշխատավարձի բարձրացում:  

Կապիկ

Խոզի տարին հաջողություն կբերի Կապիկի նշանի տակ ծնվածներին. կիրականանան Կապիկների նվիրական ցանկությունները: Տարվա ընթացքում հնարավոր է հանդիպում ազդեցիկ մարդու հետ, որը էական նշանակություն կունենա մասնագիտական աճի տեսանկյունից: Ֆինանսական խնդիրներ չեն լինի, եթե Կապիկը վերահսկի իր ծախսերը և սովորի խնայել:

Աքլոր

2019-ին հաջողություն ունենալու գրավականը Աքլորի համար հանգստություն պահպանելն է: Գուցե որոշակի խնդիրներ առաջանան առողջության հետ կապված, սակայն անհանգստանալ պետք չէ: Անհրաժեշտ է ժամանակին դիմել մասնագետի, ինչպես նաև միջոցներ հատկացնել հանգստի համար: Արևելյան հորոսկոպը Աքլորին խորհուրդ է տալիս ամառն անցկացնել ծովում, լիցքաթափվել ու խուսափել նյարդային լարումից:

Շուն

Շան նշանի տակ ծնվածներին կհաջողվի 2019-ի ընթացքում կարճ ժամկետում կյանքի կոչել վաղուց պլանավորած ծրագրերն ու նախագծերը: Լավատեսությունը այս առումով կարող է կարևոր նշանակություն ունենալ: Շների ընտանիքում 2019-ին սպասվում է երեխայի ծնունդ, ուստի արդեն հունվարից անհրաժեշտ է գումար կողքի դնել, որպեսզի տարվա ընթացքում ֆինանսական խնդիրներ չունենաք:

Խոզ

Խոզի համար 2019-ը իդեալական տարի է խոստանում լինել: Սիրային, ֆինանսական հարցերում, աշխատանքում կայունությունը երաշխավորվում է: Դեղին Խոզը հովանավոր կլինի բոլոր նրանց, ովքեր ծնվել են իր նշանի տակ: Արևելյան հորոսկոպը խորհուրդ է տալիս Խոզին ավելի լավատես լինել, ուրախանալ փոքր բաներով ու մանրուքներից չնյարդայնանալ:


Եղանակ
Երևան
Արևոտ
Խոնավություն՝ 48%
Քամի՝ 8 կմ/ժ
22 C°
 
20°  31° 
28.06.2019
20°  31° 
29.06.2019
Հարցում

Հավանե՞լ եք «Գահերի խաղ»-ի վերջին սերիան: