ԱԳՆ նախարարը Հայաստան այցելելու պաշտոնական հրավեր է հղել Սուրբ Աթոռի պետությունների հետ հարաբերությունների քարտուղարին

• 21.02.2019, 20:08
•  Աշխարհ,  Հայաստան

Փետրվարի 18-ին Սուրբ Աթոռում ՀՀ դեսպան Կարեն Նազարյանը հանդիպում ունեցավ Սուրբ Աթոռի պետությունների հետ հարաբերությունների քարտուղար Ն․Գ․ Փոլ Ռիչարդ Գալլագերին (H.E. Mgrs. Paul Richard Gallagher)։ Այս մասին հայտնում են ՀՀ ԱԳՆ մամուլի ծառայությունից: 

Հանդիպմանը Կարեն Նազարյանը ներկայացրեց Հայաստանի և Սուրբ Աթոռի միջև միջպետական հարաբերությունների զարգացման օրակարգը և այս ուղղությամբ առաջիկայում իրականացվելիք քայլերն ու նախաձեռնությունները։

Դեսպանը Վատիկանի բարձրաստիճան ներկայացուցչին փոխանցեց Հայաստան այցելելու արտգործնախարար Զոհրաբ Մնացականյանի պաշտոնական հրավերը։

Տարածաշրջանային զարգացումների լույսի ներքո զրուցակիցներն անդրադարձ կատարեցին իրենց մոտեցումներին և առաջնայնություններին։