ԵԱՀԿ գործող նախագահն Ադրբեջանում է․ նրան ընդունել է Իլհամ Ալիևը

• 05.03.2019, 13:08
•  Տարածաշրջան,  Աշխարհ

azertac

ԵԱՀԿ գործող նախագահ Միրոսլավ Լայչակը սկսել է իր հարավկովկասյան այցելությունների շարքը և առաջինը այցելել է հարևան Ադրբեջան։ Ինչպես հայտնում է shantnews.am-ը, Լայչակին այսօր ընդունել է Ադրբեջանի նախագահ Իլհամ Ալիևը։ Այս մասին հայտնում է ադրբեջանական մամուլը։

Թե ինչ են քննարկել կողմերը, չի լուսաբանվել, բայց հավանական է, որ քննարկումների առանցքում եղել է Արցախյան հակամարտությունը, քանի որ դրա մոնիտորինգով զբաղվում է ԵԱՀԿ գործող նախագահի անձնական ներկայացուցչի խումբը (Կասպրշիկի խումբը), իսկ բանակցությունները ընթանում են ԵԱՀԿ Մինսկի խմբի համանախագահների միջնորդական առաքելության ձևաչափով։

Առաջիկայում նախատեսված է Լայչակի այցը նաև Հայաստան։