Եթովպիայում մարտի 11-ը սգո օր է հայտարարված

• 11.03.2019, 10:21
•  Աշխարհ,  No-politics

REUTERS/Tiksa Negeri

ՄԱԿ-ի հետ կապված կազմակերպությունների 19 աշխատակից է զոհվել Եթովպիայում տեղի ունեցած ավիաաղետից: 168.am-ի փոխանցմամբ, այդ մասին հայտնել է Միգրացիայի միջազգային կազմակերպությունը (ՄՄԿ):

«Նախնական տվյալներով՝ զոհվել է ՄԱԿ-ի հետ կապված կազմակերպությունների անձնակազմի 19 ներկայացուցիչ»,- ասված է կազմակերպության կայքում զետեղված հայտարարության մեջ:

Boeing 737 Max 8 ինքնաթիռը աղետի է ենթարկվել մարտի 10-ի առավոտյան Եթովպիայի մայրաքաղաք Ադիս Աբեբայից 60 կմ հարավ-արևմուտք ընկած Բիշոֆտու քաղաքի շրջանում: Օդանավն ուղևորվում էր Նայրոբի և ընկել է թռիչքից վեց րոպե անց:

Ավիաաղետի զոհ է դարձել 157 մարդ, այդ թվում՝ 149 ուղևոր և անձնակազմի ութ անդամները՝ Եթովպիայի քաղաքացիներ: Զոհվածների թվում են 35 երկրի քաղաքացիներ, ներառյալ Քենայի՝32, Կանադայի՝ 18, ԱՄՆ-ի՝ ութ, Մեծ Բրիտանիայի՝ յոթ, Ֆրանսիայի՝ ինը, Չինաստանի՝ ութ, Ռուսաստանի՝ երեք քաղաքացիներ: Եթովպիայում մարտի 11-ը սգո օր է հայտարարված: Ավիաաղետի ստույգ պատճառները դեռևս հայտնի չեն