Ադրբեջանում կարծում են, որ Իրանի հետ սահմանին տեղի ունեցող իրադարձությունների հետևում կանգնած են հայկական հատուկ ծառայությունները. իրանագետ

• 14.03.2019, 14:33
•  Տարածաշրջան,  Հայաստան

Artsakhpress.am

Իրանագետ Արտյոմ Տոնոյանը ֆեյսբուքյան իր էջում, անդրադառնալով ադրբեջանա-իրանական սահմանին վերջին դեպքերին, գրել է.

«Ադրբեջանական որոշ կայքեր սկսել են վերլուծաբանների ու պահեստազորի սպա-փորձագետների բերանով հայտարարել, որ այն, ինչ վերջին օրերին տեղի է ունենում իրանաադրբեջանական սահմանին, սադրանք է՝ կազմակարեպված այնպիսի երրորդ ուժի կողմից, որը ցանկանում է ամեն կերպ փչացնել Իրանի և Ադրբեջանի միջև հարաբերությունները։

Որոշ կայքեր ուղղակիորեն նշում են, իսկ որոշներն՝ անուղղակի կերպով ակնարկում, որ տեղի ունեցող իրադարձությունների հետևում կանգնած են հայկական հատուկ ծառայությունները։

Բայց ինչն է ամենահետաքրքիրն այստեղ, որ «երրորդ ուժի սադրանքի» թեման ադրբեջանական մամուլի օրակարգ է բերում մի ռեսուրս, որի գլխավոր խմբագիրը պարբերաբար լինում է Թուրքիայում, արժանանում պարգևների այդ երկրում, և ընդհանուր առմամբ, կայքն ակնհայտ պրոթուրքական ռեսուրս է։