Ռուսներն ասում են, որ ամերիկացիները չպետք է ներխուժեն Վենեսուելա…Ծիծաղելի է. ԱՄՆ պետքարտուղար

14.04.2019, 15:41
ԵԱՏՄ, Ամերիկա, Աշխարհ

ԱՄՆ-ի պետքարտուղար Մայք Պոմպեոն, մեկնաբանելով հարցը, թե ինչպես է վենեսուելական ճգնաժամն ազդել առանց այն էլ Վաշինգտոնի եւ Մոսկվայի լարված հարաբերություններին, նշել է Կրեմլի պնդումների «անհիմն» բնույթը Վենեսուելայում «Ամերիկայի ներխուժման անթույլատրելիության մասին»: Այս մասին հայտնում է NEWS.am-ը, հղում կատարելով Ամերիկայի Ձայնին:

«Ռուսներն ասում են, որ ամերիկացիները չպետք է ներխուժեն Վենեսուելա…Ծիծաղելի է, քանի որ նրանք արդեն իսկ ներխուժել են (այդ երկիր) հիմնավոր կերպով: Կուբացիները տնօրինում են անվտանգության ծառայությունների ապարատը: Կարծում եմ՝ եթե դուք լինեիք Վենեսուելայի ռազմական ղեկավարը, դուք անհարմար կզգայիք դրանից…Վենեսուելացիները ցանկանում են ունենալ անվտանգության սեփական ուժերը: Նրանք ցանկանում են կառուցել սեփական ժողովրդավարությունը, որպեսզի երկիրը ղեկավարեն Վենեսուելայի բնակիչները, այլ ոչ ինչ-որ փոքր կղզու կամ Ռուսաստանի ներկայացուցիչները: Միացյալ Նահանգները պատրաստ են աջակցել նրանց այդ պահանջն իրացնելու հարցում»,-հայտարարել է Մայք Պոմպեոն:

Ընդ որում՝ չիլիական Mega TV հեռուստաալիքին տված հարցազրույցում Պոմպեոն հայտարարել է, որ չի բացառում Վենեսուելայում ռազմական միջամտության հավանականությունը:

«Մենք կվերականգնենք ժողովրդավարությունը: Խուան Գուայդոն երկրի օրինական առաջնորդն է: Մենք նրա հետ ենք այսօր, նրա հետ կլինենք, երբ հեռանա Մադուրոն եւ դրանից հետո Վենեսուելայում վերակառուցումը սկսելու համար»,-ընդգծել է պետքարտուղարը:

На русском

այլ նյութեր այս թեմայով

Սպիտակ տունը «քաղաքական քայլ» է անվանել Իրանի հարցում Թրամփին սահմանափակող բանաձևը ԱՄՆ նախագահ Դոնալդ Թրամփի՝ Իրանի դեմ ուժ կիրառելու իրավունքի սահմանափակման մասին Կոնգրեսի Ներկայացուցիչների...
ԱՄՆ-ն հայտարարել է իրանցի գեներալ Կասեմ Սուլեյմանիի սպանության մասին Ամերիկյան ռազմական գերատեսչության մամուլի ծառայությունը տեղեկացրել էր նաև, որ գործողությունն իրականացվել է...
Լավրովի այցը Վաշինգտոն. ռուս-ամերիկյան հարաբերություններում ձնհալի սպասել չարժե Միևնույն ժամանակ պետք է նկատել, որ առաջիկա մեկ տարում ռուս-ամերիկյան հարաբերություններում առանձնակի ձնհալ չարժե...
Սպիտակ տունը հայտնել է Լավրով-Թրամփ հանդիպման մասին Հանդիպումը կլինի փակ, հստակեցնում է ԱՄՆ նախագահի աշխատակազմը:
ԵՄ-ն անարդար է վարվում ԱՄՆ-ի հետ առևտրի հարցում. Թրամփ Եվրամիության հետ հարաբերություններում իրավիճակը կարող է շատ բարդանալ, եթե ԵՄ-ը «խելքի չգա» առևտրի և ՆԱՏՕ հարցերում։...