ԵՐԵՎԱՆ 19 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 29 746,21 դրամ ԱՐԾԱԹ - 379,24 դրամ ՊԼԱՏԻՆ - 13 702,61 դրամ

Թուրքիան շարունակում է հեռանալ Եվրամիությունից. Եվրահանձնաժողով

NEWSRU.md

Թուրքիան առաջվա պես հեռանում է Եվրամիությունից, ինչի կապակցությամբ հանրակցությանը երկրի անդամակցության շուրջ բանակցությունները փակուղի են մտել: Այդ մասին, ինչպես տեղեկացնում է «Արմենպրես»-ը, ասված է ԵՄ-ի ընդլայնման քաղաքականության վերաբերյալ Եվրահանձնաժողովի տարեկան հաշվետվության մեջ:

«Թուրքիան շարունակում է հեռանալ Եվրամիությունից՝ լրջորեն նահանջելով օրենքի գերակայության և հիմնական իրավունքների բնագավառում և թուլացնելով քաղաքական համակարգի հավասարակշռությունը սահմանադրական ուղղման ուժի մեջ մտնելու պատճառով»,- նշել է Եվրահանձնաժողովը, ընդգծելով, որ «Թուրքիայի անդամակցության շուրջ բանակցությունները, հետևաբար, փաստորեն փակուղի են մտել»: «Եվ բանակցային գործընթացի հետագա և ոչ մի գլուխ չի կարող դիտարկվել բացման կամ փակման համար»,-ասված է հաշվետվության մեջ:

Դրա հետ մեկտեղ ԵՀ-ն նշում է, որ «Թուրքիան ԵՄ-ի հանգուցային գործընկերն է և հանրակցությանն անդամակցելու թեկնածու երկիր»:

«Երկխոսությունն ու համագործակցությունը, այդ թվում՝ ամենաբարձր մակարդակով, շարունակվում են ընդհանուր հետաքրքրություն ներկայացնող հիմնական բնագավառներում, այդ թվում՝ միգրացիայի և փախստականների աջակցման ոլորտում»,-հավելել է ԵՀ-ն:


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ 49%
Քամի՝ 11 կմ/ժ
19 C°
 
16°  27° 
25.09.2020
16°  27° 
26.09.2020
Հարցում

Բավարարվա՞ծ եք Ամուլսարի հարցում Հայաստանի իշխանությունների դիրքորոշումից: