Վրաստանը մտադիր է խաղաղ ճանապարհով լուծել Աբխազիայի հետ հակամարտությունը. Բախտաձե

• 12.06.2019, 12:49
•  Տարածաշրջան,  Աշխարհ

JNEWS.ge

Վաշինգտոնում գտնվող Վրաստանի վարչապետ Մամուկա Բախտաձեն շնորհակալություն է հայտնել ԱՄՆ-ի պետքարտուղար Մայք Փոմպեոյին երկրի տարածաքային ամբողջականությանն ու ինքնիշխանությանը ցուցաբերած աջակցության համար և նշել, որ Թբիլիսին մտադիր է բացառապես խաղաղ ճանապարհով լուծել հակամարտությունն Աբխազիայի և Հարավային Օսիայի հետ, տեղեկացնում է «Արմենպրես»-ը:

«Մենք գնահատում ենք ԱՄՆ-ի աջակցությունը Վրաստանի տարածքային ամբողջականությանն ու ինքնիշխանությանը… մենք որոշել են հակամարտությունը հաղթահարել միայն խաղաղ ճանապարհով»,- հայտարարել է Բախտաձեն Փոմպեոյի հետ համատեղ մամուլի ասուլիսում, նրա խոսքը մեջբերել է վրացական կառավարության մամուլի ծառայությունը:

Բախտաձեն հիշեցրել է, որ Վրաստանի կառավարությունը ԱՄՆ-ի օժանդակությամբ մշակել է «Քայլ դեպի լավագույն ապագան» նախագիծը, որը միտված է Աբխազիայի և Հարավային Օսիայի բնակիչների հումանիտար ու սոցիալ-տնտեսական վիճակի բարելավմանը